mumbai local
mumbai local file photo
मुंबई

लोकल प्रवासावर निर्बंध असूनही घडतायत चोरीच्या घटना

सकाळ वृत्तसेवा, कुलदीप घायवट

मुंबई: कोरोनाचा संसर्ग वाढू नये, कोरोनाची साखळी तोडण्यासाठी 'ब्रेक द चेन' नियमावली जाहीर केली आहे. यामध्ये राज्य सरकारने लोकल प्रवासावर कडक निर्बंध लागू केले आहेत. मात्र, मागील तीन दिवसात लोकल सेवेवर निर्बंध असताना मौल्यवान वस्तू, दागिने, मोबाइल चोरीच्या घटना होत आहेत. सर्वसामान्य प्रवाशांसाठी लोकल प्रवास बंद झाला आहे. राज्य सरकारने जाहीर केलेल्या अत्यावश्यक सेवेतील कर्मचाऱ्यांना लोकल प्रवास करण्याची मुभा देण्यात आली आहे.

नव्या नियमावलीनुसार अत्यावश्यक सेवेतील कर्मचारी लोकल प्रवास करू शकत आहेत. ओळखपत्र दाखवून प्रवाशांना स्थानकावर प्रवेश दिला जातोय. यासाठी स्थानकावर कडक बंदोबस्त करण्यात आला आहे. प्रत्येक रेल्वे स्थानकांवर अत्यावश्यक सेवेतील कर्मचाऱ्यांना रेल्वे स्थानकांवर रांगा लावून ओळखपत्र बघूनच रेल्वे स्थानकांवर प्रवेश देण्यात येत आहे. परिणामी, स्थानकात प्रवेश करताना सामायिक अंतराच्या नियमांचा फज्जा उडतो. यातून चोरीच्या घटना घडण्याची भीती व्यक्त होते.

मात्र तीन दिवसांत मुंबईतील रेल्वे गाड्या आणि रेल्वे परिसरात एकूण चोरीच्या 27 घटना घडल्या आहे. ज्यात मोबाईल चोरी, बॅग चोरी, पाकीट चोरी, पर्स चोरी, जबरीने मंगळसूत्र चोरी, सारख्या घटना घडल्या आहे. या 27 चोरीच्या घटनांपैकी 20 घटना या मोबाईल चोरीची आहेत. यापैंकी ३ चोरीच्या घटनेची उकल लावण्यात आली असून तीन्ही घटना या मोबाइल चोरीच्या आहेत.

23 एप्रिल रोजी 11 गुन्ह्यांपैकी 9 गुन्हे मोबाइल चोरीचे, 24 एप्रिल रोजी 7 गुन्ह्यांपैकी 5 गुन्हे मोबाइल चोरीचे, 25 एप्रिल रोजी 9 गुन्ह्यांपैकी 6 गुन्हे मोबाइल चोरीचे झाल्याची नोंद लोहमार्ग पोलीस ठाण्यात नोंद करण्यात आली आहे. मागील वर्षी लॉकडाउनमुळे लोकल सेवा बंद होती. यावेळी मोबाइल चोरीच्या घटना बंद झाल्या होत्या. मात्र, 15 जूनपासून अत्यावश्यक सेवेतील कर्मचाऱ्यांना लोकल सेवा सुरू झाल्यानंतर पुन्हा चोरीच्या घटनेचा आलेख वाढत गेला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

CM Yogi Aadityanath : ''काशी अन् अयोध्येनंतर आता मथुरेकडे प्रस्थान...'' योगी आदित्यनाथांचे स्पष्ट संकेत

Onion Export: केंद्रानं खरंच कांदा निर्यातबंदी उठवली की केवळ निवडणूक जुमला? जाणून घ्या

DC vs MI, IPL: लाईव्ह सामन्यात पंतला आवरेना रोहितने हाती दिलेला पतंग उडवण्याचा मोह, Video Viral

Loksabha election 2024 : सभा घ्यायला आल्या अन् विकासाचा मुद्दा विसरुन गेल्या; प्रियांका गांधींनी मराठवाड्यासाठी शब्दही काढला नाही

Praniti Shinde : ''मविआची सत्ता असतानाही मंत्रिपदासाठी मी लॉबिंग केलं नाही , कारण...'' प्रणिती शिंदे नेमकं काय म्हणाल्या?

SCROLL FOR NEXT