नवी मुंबई : बाजारात उपलब्ध असलेल्या विविध तंत्रज्ञानांमुळे नवी मुंबईसारख्या स्मार्ट सिटीमध्येही वीजचोरांचे प्रमाण कमालीचे वाढत चालल्याचे आढळून आले आहे. बेकायदा विजेचा वापर करणे आणि मीटरमध्ये फेरफार करून वीज वापरणे असे वीज चोरीचे दोन प्रकार पडतात. २०१८ मध्ये बेकायदा वीज वापर करणाऱ्यांवर २६६ कारवाया महावितरणने केल्या होत्या. २०१९ डिसेंबरपर्यंत हाच आकडा २६६ पर्यंत गेला आहे. अजून तीन महिने शिल्लक असताना मार्च २०२० पर्यंत हा आकडा आणखी वाढण्याची शक्‍यता आहे. अशा वीजचोरांना धडा शिकवण्यासाठी महावितरणनेही कंबर कसली असून, त्यांच्याकडून दोन वर्षांत पाच कोटींचा दंड वसूल करण्यात यश आले आहे.

ही बातमी वाचली का? स्टार्ट अप सुरू करताय! जागा नाहीये, चिंता सोडा...

विकसनशील शहर असल्यामुळे नवी मुंबई शहरात दिवसेंदिवस वीज ग्राहकांची संख्या वाढत चालली आहे. ग्राहकांच्या या वाढत्या संख्येसोबत वीज वापराचे प्रमाणही वाढले आहे; मात्र काही ग्राहकांकडून महावितरणची दिशाभूल करून बेकायदा पद्धतीने वीज वापर केला जात आहे. अशा वीजचोरांवर महावितरणकडून कारवाई केली जात आहे. व्यावसायिक वापरासाठी वीज घेऊन त्याचा वाणिज्य अथवा व्यावसायिक वापर करणाऱ्यांचे  वाढले असून, गेल्या दोन वर्षांत ५२६ कारवाई केल्याची आकडेवारी समोर आली आहे. कारवाई केलेल्या या लोकांना महावितरणने दोन वर्षांत सुमारे १० कोटी रूपयांचा दंड ठोठावला आहे. त्यापैकी ९५ लोकांकडून साडेतीन कोटी रुपयांचा दंड वसूल करण्यात महावितरणला यश आले आहे. मीटरमध्ये फेरफार करून वीजचोरी करणाऱ्यांवर दोन वर्षांत ९३९ कारवाया करण्यात आल्या आहेत. या प्रकारात सुमारे दोन कोटींचा दंड ठोठावण्यात आला होता. सुमारे ५०० जणांकडून एक कोटी एवढा दंड वसूल करण्यात महावितरणला यश आले आहे. 

ही बातमी वाचली का? खातेवाटप न झाल्याने मंत्रालयात वाढतीये फाइल्सची संख्या

बेकायदा वीज वापर
विभाग               २०१८    २०१९ (डिसेंबरपर्यत)
वाशी                   १३        २३
ऐरोली                 २९       ०७
कोपरखैरणे          ११       ०३
सीबीडी              ४४         २०
नेरूळ                ०३         २१
पाम बीच            ३४        ०५
पनवेल ग्रामीण    १९         ७८
पनवेल शहर       ६१         ९९
कळंबोली           ०७         ०३ 
उरण                 ०८         ०१
खारघ               २४          ०४
इतर                 ०७          ०२

ही बातमी वाचली का? ठाणे शहरात नवीन बांधकामबंदी

मीटरमध्ये छेडछाड करणे
विभाग                २०१८     २०१९   (डिसेंबरपर्यत)
वाशी                     १२          ११
ऐरोली                    २४    १४
कोपरखैरणे              ५१    १६
सीबीडी                  ५४    ८६
नेरूळ                     ०८    २२
पाम बीच                २४    ६७
पनवेल ग्रामीण        १८०    २१
पनवेल शहर              ७९    २०
कळंबोली                 ३५    २४
उरण                     ५६    ४३
खारघर                  ८२    ०३