मुंबई : राज्यात 5 वर्षाखालील बालकांमध्ये श्वसनाच्या विकारांमध्ये वाढ झाल्याचे राष्ट्रीय कुटुंब आरोग्य सर्वेक्षण -05 मधून समोर आली आहे. शिवाय, ग्रामीण भागात हे प्रमाण जास्त असल्याचे ही या सर्वेक्षणातून मांडण्यात आले आहे. बालकांमधील श्वसनाचे प्रमाण 2.4 टक्क्यांवरुन 3.2 टक्क्यांपर्यंत पोहचले आहे. या बालकांना ताप किंवा अन्य लक्षणे असूनही केवळ 77.5 टक्के बालकांनाच उपचारांसाठी नेले होते.
राष्ट्रीय कुटुंब आरोग्य सर्वेक्षण 04 च्या अहवालानुसार 84 टक्के बालकांवर उपचार करण्यात आले. अतिसार झालेल्या बालकांचे प्रमाण 8.5 टक्क्यांवरून 8.9 टक्क्यांपर्यंत वाढले आहे. या बालकांना उपचारांसाठी नेण्याच्या प्रमाणातही घट झाली आहे. यातील 72.3 टक्के बालकांना उपचारांसाठी नेण्यात आले होते तर एन एफ एच एस 4 मध्ये हे प्रमाण 77.6 टक्के होते.
ग्रामीण भागात अतिसार ही अधिक -
ग्रामीण भागातील बालकांमध्ये अतिसाराचे प्रमाण जास्त (10.7 टक्के ) आहे. बालकांच्या आरोग्याशी निगडित समस्यांकडे काहीशी वाढ झाल्याचे दिसून आले आहे.
शहरात अतिस्थुलतेचे प्रमाण वाढले -
अहवालातील निरीक्षणांनुसार, बालकांमध्ये अतिस्थूलतेचे प्रमाणही वाढले आहे. हे प्रमाण चार वर्षांपूर्वी 1.9 टक्के होते. यंदाच्या अहवालात हे चार टक्के आहे. सर्वाधिक स्थूल बालके शहरात 5.2 टक्के आढळली असून त्याखालोखाल 3.4 टक्के ग्रामीण भागात आढळली आहेत. तर, दुसरीकडे रक्तक्षय झालेल्या बालकांचे प्रमाण 53.8 टक्क्यांवरून 68.9 टक्क्यांपर्यंत वाढले असून ग्रामीण भागातील बालकांमध्ये हे प्रमाण 70 टक्के आहे. तर, शहरी भागात 66.3 टक्के नोंदले आहेत.
बालकांच्या मृत्यूत किंचित वाढ-
एक आणि पाच वर्षाखालील बालकांच्या मृत्यूच्या प्रमाणात अनुक्रमे 0.5 व 0.7 टक्क्यांनी किंचित घट नोंदविण्यात आली असली तरी नवजात बालकांचा मृत्युदर मात्र 16.2 वरून 16.5 इतका वाढला आहे. तर, हेच प्रमाण शहरात 15.1 एवढे असून ग्रामीण भागात 17.6 टक्के एवढे प्रमाण आहे.
कुपोषणातून संसर्गाची भीती -
लोकांच्या कोरोनामुळे नोकर्या गेल्या आहेत. त्यातुन, ग्रामीण भागात याचा परिणाम जास्त झाला आहे. कुठलाही संसर्ग जास्त होण्याचे प्रमुख कारण कुपोषण असू शकते. प्रदुषण ही दुसरे कारण आहे. 5 वर्षाखालील बालकांमध्ये कुपोषण ही जास्त प्रमाण वाढले आहे. त्यामुळे, हे प्रमाण अजून वाढण्याची शक्यता आहे. संसर्ग होऊ नये म्हणून मुलांना चांगल्या पद्धतीचा आहार मिळणे फार गरजेचे आहे.
डाॅ. कामाक्षी भाटे,
प्राध्यापक, केईएम रुग्णालय
------------------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.