मुंबई - सावित्रिबाई फुले वसतीगृहात 18 वर्षाच्या मुलीवर झालेला अत्याचार आणि निघृण हत्या यासंदर्भात आज वंचित बहुजन आघाडीचे नेते प्रकाश आंबेडकर यांनी आज नरिमन पोलिस ठाण्याच्या अधिका-यांची भेट घेतली. याप्रकरणाची संपूर्ण चौकशी करा, अशी त्यांनी मागणी केली. सरकार नेहमी असं करत की घटना घडल्यानंतर चौकशी सुरु करते, अगोदर उपायोजना का केली जात नाही, असा सवाल त्यांनी केला.

वंचित बहुजन समाज पक्षाचे नेते प्रकाश आंबेडकर यांनी मरिमन पॉईट पोलिस ठाण्याच्या अधिका-यांची भेट घेतली. आज बंचित बहुजन आघाडीचे कार्यकते आणि भीम आर्मीचे कार्यकते सकाळपासून ठिय्या मांडून होते. कार्यकर्त्यानी या प्रकरणी चौकशी करावी अशी जोरदार मागणी केली. यावेळी त्या मुलीचे आई व वडिल उपस्थित होते.

प्रकाश आंबेडकर यावेळी म्हणाले की, ही अत्यंत दुदैवी घटना आहे. अकोल्यामधून एक मुलगी शिकायला हॉस्टेलला येते. कुटुंबाचीही मागणी आहे की वसतीगृहाची वार्डन आहे, त्यांची चौकशी झाली पाहिजे. आम्ही विनंती केली पाहिजे की त्यांची चौकशी केली पाहिजे. त्या मुलींना बाजूला का ठेवलं गेले याची चौकशी करा.

त्या दिवशी दरवाजा लावला होता की नाही हे पाहा, पायपावरून चडून गेला असेल तर फिंगरप्रिंट असतील तर पाहा, पायपावर प्रिंट मिळाले नाही, तर तो गेला कसा हे पाहा, गेट लावण्याची जबाबदारी कोणाची हेही पाहा, समाज कल्याण खात्याच्या अख्त्यारीत हे हे हॉस्टेल येते. दुर्दैव आहे की समाज कल्याण खात्याच्या अधिकार्यांनी भेट दिली पाहिजे होती पण त्यांनी दिली नाही. समाज कल्याण खात्याचा हलगर्जीपणा दिसत आहे, असा आरोप त्यांनी केला.

मी कुटुंबियांना विनंती केली आहे की अंत्यविधी करा, आता ज्या घटना घडतायत त्यामध्ये मारण्यामध्ये क्रुरता आलेली आहे, सरकार नेहमी असं करतं की घटना घडल्या नंतर चौकशी सुरु करते पण अगोरदरच उपाय़ोजना का केली जात नाहीत असा सवाल आंबेडकर यांनी केला.

तो माणूस अनधिकृतपणे राहतो असं बोललं जातंय. तो हाच आहे का त्याचा डिएनए तपासून घ्या. एक बॉडी रेल्वेला मिळाली आहे, पंचनामा झाला तेव्हा त्या बॉडीसोबत चावी मिळाली आहे, जी त्या रूमची होती, हे कृत्य गळा दाबून केलं आहे असं सांगितलं आहे. कुटुंबाच म्हणण आहे की वार्डनने मुद्दामून या मुलीला आणखी दोन मुलींना वेगळं ठेवलं होत, या संपूर्ण प्रकाराची चौकशी झाली पालिजे अशी मागणी आंबेडकर यांनी केली.