मुंबई : खेळाडू, माजी सैनिक, भूकंप ग्रस्त, प्रकल्प ग्रस्त आदींना मुंबई महापालिकेच्या प्रमुख रुग्णालये, विशेष रुग्णालयात परिचारिका म्हणून नोकरीची संधी उपलब्ध झाली आहे. मुंबई महापालिकेच्या आरोग्य विभागाच्या माध्यमातून तब्बल ६५२ परिचारिकांची भरती होणार आहे. यासाठी २१ मार्च पर्यंत लेखी स्वरुपात अर्ज करावे, असे आवाहन आरोग्य विभागाने केले आहे.
प्रमुख रुग्णालये व विशेष रुग्णालये व सार्वजनिक आरोग्य खात्यांतर्गत उपनगरीय रुग्णालये व प्रसुतीगृहांमधील रिक्त परिचारिकांच्या (नर्स) जागेवर नव्याने भरती करण्याचा निर्णय महापालिका प्रशासनाने घेतला आहे. या रिक्त ६५२ जागांसाठी महापालिकेच्यावतीने जाहिरात प्रसिद्ध केली आहे.
मुंबई महापालिकेच्या केईएम, शीव, नायर आणि कूपर या चार प्रमुख रुग्णालयांसह १७ उपनगरीय रुग्णालय, विशेष रुग्णालय आणि प्रसूतिगृह आदी ठिकाणी परिचारिकांची पदे अनेक वर्षांपासून रिक्त होती. त्यामुळे रुग्णालयीन कामांमध्ये प्रचंड अडचणी निर्माण झाल्या. ही पदे भरण्यास प्रशासकीय मान्यता मिळाल्यानंतर याबाबतची जाहिरात प्रसिध्द करून इच्छुक उमेदवाराकडून अर्ज मागवण्यात आले आहेत.
मुंबई महानगर पालिका आणि इतर मान्यताप्राप्त परिचर्या शाळेतून उत्तीर्ण झालेल्या उमेदवारांमधून ही निवड करण्यात येणार आहे. इच्छुकांना ८ ते २१ मार्च या कालावधीत सकाळी ११ ते सायंकाळी ५ या कालावधीमध्ये लेखी अर्ज करता येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.