Kalva Hospita News : कळवा येथील छत्रपती शिवाजी महाराज हॉस्पिटल मध्ये 24 तासात 18 रुग्णांचा मृत्यू झाला होता. यावेळी हे प्रकरण मुख्यमंत्र्यांच्या ठाण्यात घडल्यामुळे संपूर्ण राज्यात या प्रकरणाची चर्चा झाली. विरोधकांनी या प्रकरणावरून सरकारला चांगलेच घेरले होते. या प्रकरणाचा अहवाल आज सादर करण्यात येणार होता.

मात्र आता ही चौकशी करण्यासाठी विलंब होणार आहे. तांत्रिक अडचणी येत आहेत. यामुळे चौकशीला विलंब होत असल्याचे समितीने कळविले आहे.

निपक्ष आणि योग्य चौकशी करण्यासाठी समितीने राज्य सरकारला पत्र लिहून वेळ वाढवून मागितला आहे. यावेळी तांत्रिक अडचणी येत असल्याने आम्हाला व्यवस्थित चौकशी करायची आहे. यासाठी आम्हाला वेळ वाढवून मिळावा अशी विनंती यावेळी केली आहे.

यावेळी आणखी पंधरा दिवसांचा अवधी चौकशी करण्यासाठी आम्हाला द्यावा अशी विनंती राज्य सरकारला समितीने केली आहे. त्याचबरोबर विलंब का होत आहे? याचे कारणे देखील समितीने राज्य सरकारला कळवली आहेत.

समितीला योग्य आणि निष्पक्ष चौकशी करायची असल्याने त्यासाठी तांत्रिक अडचणी येत आहेत. जबाब नोंदणीची प्रक्रिया मोठी आहे. असे म्हणत आम्हाला वेळ वाढवून द्यावा अशी विनंती समितीने राज्य शासनाने केली आहे.