मुंबई

कल्याण-डोंबिवलीचे पाणी महागणार! 

रवींद्र खरात

कल्याण (बातमीदार) : कल्याण-डोंबिवली महापालिका हद्दीत होणारा पाणी पुरवठा "ना नफा ना तोटा' या तत्त्वावर केला जातो. मात्र त्यावर होणारा जमा खर्च यामध्ये ताळमेळ ठेवताना पाणी पुरवठा विभागाला तारेवरची कसरत करावी लागते. म्हणूनच केंद्र आणि राज्य सरकारचे घेतलेले कर्ज फेडण्यासाठी, उत्पन्न वाढीसाठी महापालिका पाणी पुरवठा विभागाने पाणीपट्टीत वाढ करण्याचा प्रस्ताव बनविला असून, बुधवार (ता. 29) तो स्थायी समिती सभेत ठेवण्यात आला आहे. त्यावर आज निर्णय होण्याची शक्‍यता आहे. 

कल्याण-डोंबिवली पालिकेच्या हद्दीत प्रतिदिन 310 लाख लीटर पाणी पुरवठा केला जातो. तसेच महाराष्ट्र औद्योगिक विकास महामंडळातर्फे 1 जून 2015 पासून पालिकेतील 27 गावांसाठी प्रतिदिन 50 लाख लीटर असे एकूण 360 लाख लीटर पाणी प्रतिदिन पुरवठा करण्यात येते. पालिकेला उल्हास नदीवर 234 लाख लीटर पाणी प्रतिदिन कोटा मंजूर आहे. बारवी धरणाची उंची वाढवल्यामुळे भविष्यात प्रतिदिन 86 लाख तर 27 गावांतील योजनेसाठी 105 लाख लीटर प्रतिदिन पाणी आरक्षणाला मान्यता देण्यात आली आहे. 

बारावे जलशुद्धीकरण केंद्र, टिटवाळा जलशुद्धीकरण केंद्राव्यतिरिक्त जे. एन. एन. यु. आर. एम. योजनेंतर्गत मोहिली येथे 100 लाख, नेतीवली येथे 150 लाख लीटर क्षमतेचे जलशुद्धीकरण केंद्र उभारून तेथून नागरिकांना पाणी पुरवठा केला जातो. वाढती महागाई, दुरुस्ती, आस्थापना खर्च, रसायन खर्च, विद्युत बिले या समवेत केंद्र आणि राज्य सरकारचे कर्ज परतफेड आदी कारणास्तव जमा खर्चाचा ताळमेळ बसवताना पाणी पुरवठा विभागाला तारेवरची कसरत करावी लागते. यासाठी पाणी पुरवठा विभागाने 2020-21 या वर्षासाठी पाणी दरात वाढ करण्याचा निर्णय घेतला आहे. 

असे आहेत दर 

  • सर्व प्रकारच्या घरगुती वापरासाठी प्रतिमाह/प्रति कुटुंब 22.5 घनमीटरपर्यंत 2019-2020 मध्ये सात रुपये दर होता तो तीन रुपयाने वाढ करत 2020-2021 मध्ये 10 रुपये प्रतिघनमीटर प्रस्तावित आहे. 
  • धार्मिक स्थळांसाठी 15 रुपये असलेला दर प्रतिघनमीटर 20 रुपये असा प्रस्तावित आहे. किराणा स्टोअर्स, ज्वेलर्स, चहा टपरी, छोटी दुकाने, नाट्यगृह, पेट्रोल पंप आदींना प्रति घनमीटर 30 रुपये असलेला दर 40 रुपये करण्याचा प्रस्ताव आहे. 
  • रुग्णालयांमध्ये 6 ते 15 खाटांच्या रुग्णालयासाठी 30 चे 40 रुपये प्रतिघनमीटर दर प्रस्तावित करण्यात आले आहे. 16 खाटांपुढील रुग्णालय, छोटे कारखाने, सरकारी-निमसरकारी कार्यालयांना 50 रुपयांवरून 60 रुपये दर प्रस्तावित आहे. 
  • बार, परमिट रूम, उपहारगृह, मंगल कार्यालय, लॉजिंग बोर्डिंग, कारखाने, इमारत बांधकामांना 60 रुपयांवरून 70 रुपये दर प्रस्तावित करण्यात आला आहे. 
     

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Rohit Pawar: रोहित पवारांनी शेअर केलेल्या 'त्या' व्हिडिओनंतर PDCC बँकेच्या मॅनेजरसह बँकेवर गुन्हा दाखल

Bidkin Crime News : धक्कादायक! भीशीचे व व्याजाचे पैसे न दिल्याने महिलेसह पाच मुलांचे अपहरण

Yuzvendra Chahal: ऋषभ पंतची विकेट चहलसाठी ठरली ऐतिहासिक! T20 मध्ये कोणत्याच भारतीयाला न जमलेला केला पराक्रम

Lok Sabha Election 2024: देशभरात तिसऱ्या टप्प्यात 61 टक्के, महाराष्ट्रात 54.09 टक्के मतदान

IPL 2024 DC vs RR Live Score: दुसऱ्याच चेंडूवर राजस्थानला मोठा धक्का! जैस्वालला ४ धावांवरच झाला आऊट

SCROLL FOR NEXT