Kalyan Loksabha 2024: मुख्यमंत्री एकनाथ शिंदे यांचे सुपुत्र आणि कल्याण लोकसभा मतदारसंघाचे खासदार श्रीकांत शिंदे यांचे टेन्शन वाढणार की काय? अशी चर्चा पुन्हा एकदा सुरु झाली आहे. (cm eknath Shinde)

याचे कारण म्हणजे, आज गुढीपाव्यानिमित्त शिंदेंचे कट्टर विरोधक असलेले आणि कल्याण पुर्वचे आमदार गणपत गायकवाड यांच्या पत्नी सुलभा गायकवाड (sulbha Gayakwad) यांनी शिंदें विरोधात उमेदवारी करणाऱ्या वैशाली दरेकर यांची भेट घेतली.(vaishali Darekar)

गेल्या काही दिवसांपासून कल्याण लोकसभेचे राजकारण संपूर्ण महाराष्ट्रामध्ये चर्चेचा विषय बनला आहे. याचे कारण म्हणजे श्रीकांत शिंदे यांना होणारा भारतीय जनता पक्षाकडून विरोध. मात्र आता या विरोधाचा गुढीपाडव्यानिमित्त आज कल्याणच्या शोभा यात्रेत नवा अध्याय लिहिला गेला आहे की काय? असे चित्र पाहिला मिळत आहे.(bjp vs shrikant shinde kalyan)

याचे कारण म्हणजे, कल्याण पूर्व येथील गुढीपाडवा स्वागत यात्रेत कल्याण लोकसभेच्या ठाकरे गटाच्या उमेदवार वैशाली दरेकर यांनी उपस्थिती लावली होती. यावेळी कथीत पोलिस स्टेशन गोळीबार प्रकरणांमुळे गेल्या काही महिन्यांपासून तुरुंगात असणारे आमदार गणपत गायकवाड यांच्या पत्नी सुलभा गायकवाड या ही या ठीकाणी उपस्थित होत्या.

यावेळी दोन्ही महिला नेत्यांनी एकमेकांना गुढीपाडव्याच्या शुभेच्छा दिल्या. याच बरोबर एकमेकांसोबत फोटोही काढले. यामुळे याचे पडसाद निवडणुकीत पाहायला मिळतील अशी चर्चा होत आहे.(kalyan gudipadava celebration)