मुंबईः  कांदिवलीमध्ये चोरीच्या आरोपावरुन दोन जणांना बेदम मारहाण केल्याची घटना घडली आहे. पाच जणांनी मिळून या दोघांना बांधून चाबकानं फटके दिल्याचं समजत आहे. तसंच धक्कादायक म्हणजे यांची अर्धनग्न धिंडही काढली आहे. 

आरोपींनी त्या दोघांना अर्ध नग्न करून  त्याचे मुंडन केलं आणि त्यानंतर त्यांची धिंड काढल्याचा धक्कादायक प्रकार उघडकीस आला आहे. या  घटनेची गंभीर दखल घेत कांदिवली पोलिसांनी ५ जणांना अटक केली आहे. कांदिवलीच्या जनता काँलनी, काच पाडा परिसरात हा धक्कादायक प्रकार घडला आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

एक मोबाइल आणि ३ हजार रुपये चोरीला गेल्याच्या संशयावरून ही मारहाण केल्याचं समजतंय. त्यामुळे या घटनेमुळे कायदा आणि सुव्यवस्थेचा प्रश्न निर्माण झाला आहे.

हेही वाचा- Mumbai Dry Run: बीकेसी लसीकरण केंद्रात ड्राय रनला सुरुवात

चोरीच्या संशयावरून आरोपींनी दोघांची वाजत गाजत धिंड काढली. एवढंच नाही तर त्याचे व्हिडिओ शूट करून सोशल मीडियावर व्हायरल केले. कांदिवली पोलिसांनी पाच जणांवर गुन्हा नोंदवून त्यांना अटक केली आहे. या प्रकरणी पोलिस अधिक तपास करत आहेत.

Kandivali theft Allegations two beat five arrested viral video