खोपोली : खोपोलीतील सामान्य रुग्णांना दैनंदिन आरोग्य तपासणी व उपचारासाठी अडचणी निर्माण होऊ नयेत व कोरोनाचा संसर्ग टाळण्यासाठी, नगरपालिका रुग्णालयात कोरोना संशयित रुग्णांसाठी स्वतंत्र व संपूर्णपणे अलिप्त ओपीडी सेवा सुरू करण्यात आली आहे.
यासाठी दोन आरोग्य तपासणी पथके तयार करण्यात आली आहेत. डॉक्टर, आरोग्य सेविका व अन्य कर्मचाऱ्यांना पीपीई किटसह अन्य सर्व सुरक्षासाधने पुरविण्यात आली आहेत. मुख्याधिकारी गणेश शेटे, आरोग्य सभापती वैशाली जाधव रुग्णालयाचा दैनंदिन आढावा घेत असून वैद्यकीय अधिकारी डॉ. संगीता वानखेडे यांच्या नेतृत्वाखाली ही दोन्ही आरोग्य पथके कार्यरत आहेत.
मोठी बातमी : नवी मुंबई आंतरराष्ट्रीय विमानतळाच्या कामाला सुरुवात
आतापर्यंत 38 जण होम क्वारंटाईन
खोपोलीत अद्याप एकही कोरोनाबाधित नाही. मुंबई, पुणे किंवा अन्य बाहेर गावांतून खोपोलीत दाखल झालेल्या सर्वांची आरोग्य तपासणी होत असून, काहींना सक्तीचे होम क्वारंटाईन तर आवश्यकता भासल्यास शासकीय विलगीकरण केंद्रात पाठविण्यात येत आहे. आतापर्यंत खोपोलीत 38 जणांना होम क्वारंटाईन तर 22 जणांना शासकीय विलगीकरण केंद्रात ठेवण्यात आले आहे.
At Khopoli Municipal Hospital Independent OPD for corona suspects
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.