मुंबई : मुंबईबाहेर क्वारंटाईन केलेल्या पालिका कामगारांचे उपचाराअभावी हाल होत असून त्यांना मुंबईत पालिकेच्या रुगणालयात दाखल करून घ्या, अशी मागणी पालिकेतील कामगार संघटना करीत आहेत.
कामावर असताना कोरोनाबाधीत झालेले मुंबई महापालिकेचे जे कर्मचारी मुंबईबाहेर राहतात, त्यांना ते राहत असलेल्या भागात क्वारंटाईन केले जात आहे. मात्र अशा कर्मचाऱ्यांना व त्यांच्या कुटुंबियांना वैद्यकीय तसेच इतर सुविधा पुरविल्या जात नसल्याचे आरोप त्यांच्याकडून केले जात आहेत.
चंदनवाडी येथील पालिकेच्या "सी" विभागाच्या घनकचरा व्यवस्थापन खात्यात सफाई कामगार म्हणून काम करणाऱ्या संजय रामचंद्र कांबळे यांना कोरोनाची लागण झाल्यानंतर त्यांना पनवेल-रसायनी येथील इंडिया बूल्स ईमारत क्र. 5 मध्ये क्वारंटाईन करण्यात आले. मात्र त्यांना ज्या खोलीत ठेवले ती अस्वच्छ असून एक लोखंडी खाट व एक चादर देण्यात आल्याचे काबंळे यांचे म्हणणे आहे. गेल्या 3 मे रोजी क्वारंटाईन केलेल्या कांबळे यांना 9 मे पर्यंत औषधही दिले नसल्याचे त्यांनी सांगितले.
क्वारंटाईन असलेल्या ठिकाणी शौचालयात पाण्यासाठी भांडे व अंघोळीसाठी बादलीही नाही. सॅनिटायझर किंवा साबणही नाही. अशा अवस्थेत दिवसाला एकच बाटली पाणी दिले जात आहे. वैद्यकीय अधिकाऱ्यांना औषधाबाबत विचारले असता ते दुर्लक्ष करतात. पालिका प्रशासनाने या प्रकरणी दखल घ्यावी.
- संजय कांबळे-बापेरकर, सरचिटणीस, कर्मचारी व अधिकारी महासंघ, महापालिका
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.