मुंबई : महाराष्ट्र बंदचे पडसाद उद्या मुंबईतही उमटणार आहे. रेल्वे वगळता सर्व वाहतूक सेवा बंद राहाण्याची शक्यता आहे. सरकारी कामकाजावर परीणाम होण्याची शक्यता आहे.

उत्तर प्रदेशातील घटनेचा निषेध करण्यासाठी महाविकास आघाडी सरकार मधिल घटक पक्षाने बंदची हाक दिली आहे. शिवसेना या बंदत सहभागी असल्याने शिवसेना प्रणित संघटनांनीही बंदला पाठींबा दिला आहे. त्यामुळे रिक्षा टॅक्सी सेवा मोठ्या प्रमाणात बंद राहाण्याची शक्यता आहे.तर,बेस्टटचे कामगारही बंद मध्ये सहभागी होण्याची शक्यता आहे. त्यामुळे बेस्ट सेवेवर परीणाम होण्याची शक्यता आहे.

शिवसेनेसह महाविकास आघाडीतील घटक पक्षांशी संबंधीत असलेल्या सर्वच कामगार संघटना बंद मध्ये सहभागी होणार आहे. त्यामुळे सरकारी तसेच खासगी कार्यालयांमधील कामकाजावर परीणाम होण्याची शक्यता आहे.