मुंबई: लालबाग (lalbaug) येथील वन अविघ्न पार्क इमारतीला (one avighna park building fire) आज दुपारी १२ च्या सुमारास भीषण आग लागली. या आगीमुळे एका व्यक्तीचा मृत्यू झाला आहे. ही आग अत्यंत भीषण आहे. अग्निशमन दलाच्या १४ गाड्या घटनास्थळी आग विझवण्याचा प्रयत्न करत आहेत.

करीरोड येथील महादेव पालव मार्गावर वन अविघ्न पार्क इमारत आहे. करी रोड स्टेशनजवळ ही इमारत आहे. लेव्हल ४ ची ही आग असल्याची माहिती आहे.

इमारतीला आग लागल्यानंतर 19 व्या मजल्यावरुन एका व्यक्तीने उडी मारली. त्या व्यक्तीचा मृत्यू झाला आहे. अरुण तिवारी असे मृत व्यक्तीचे नाव असून तो ३० वर्षांचा आहे. केईएम रुग्णालयाने डेप्युटी डीन प्रवीण बांगर यांनी अरुण तिवारीचा मृत्यू झाल्याची माहिती दिली. अरुण बराचवेळ लटकलेल्या अवस्थेत तिथे होते. अखेर ते खाली कोसळले. अजून दोन जण आत मध्ये अडकले असल्याची माहिती आहे.