मुंबई: राज्यातील लॉकडाउन उठवला जाणार या चर्चेनंतर काल दिवसअखेरीस उच्चांकावर बंद झालेला शेअर बाजाराचा निर्देशांक आजच्या दिवसभरात त्या पातळीवर टिकून राहू शकला नाही. लॉकडाउनबद्दलच्या संभ्रमाचा परिणाम शेअर बाजारावरही दिसून आला. त्यामुळेच दिवसभराच्या व्यवहारात 52,389 पर्यंत मजल मारलेला सेन्सेक्स त्या पातळीवर न टिकता दिवसअखेर 132 अंशांनी घसरून 52,100 अंशांवर स्थिरावला. निफ्टीदेखील 20 अंशांनी घसरून 15,670 अंशांवर बंद झाला. काल मुंबई शेअर बाजाराच्या सेन्सेक्सने देखील बंद स्तरावरचा सर्वकालिक उच्चांक (52,232) नोंदविला होता. (Lockdown Confusion in Maharashtra Share Market Sensex down by 132 points)

आजच्या दिवसभराच्या उलाढालीत नेस्ले, स्टेट बँक, एचडीएफसी, आयसीआयसीआय, अँक्सीस या बँकांच्या निर्देशांकात एक ते दोन टक्के घसरण झाली. तर टायटन, हिंदुस्थान लीव्हर, रिलायन्स (बंद भाव 2,190 रु.), डॉ. रेड्डीज यांचे दरही पाऊण ते एक टक्क्याने घसरले. बजाज फिनसर्व्ह, ओएनजीसी, लार्सन टुब्रो (1,537 रु.), बजाज फायनान्स व एचडीएफसी या समभागांचे दर मात्र दीड ते तीन टक्के वाढले.

सोन्या-चांदीचे दर (तुलना)

सोने - 10 ग्रॅम (24 कॅरेट)

आजचा दर - 48,960 रुपये

कालचा दर - 48,570 रुपये

चांदी (1 किलो)

आजचा दर - 70,800 रुपये

कालचा दर - 72,000 रुपये

(संपादन- विराज भागवत)