मुंबई : लॉकडाऊनचा तडाखा मुक्या पशू-पक्ष्यांनाही बसत आहे. पाणी आणि अन्नाविना तडफड सुरू असलेल्या या मुक्‍या जिवांना वाचवण्यासाठी प्राणीप्रेमी धडपडत आहेत. 

हे वाचा ः आता मुंबईच्या समुद्रातही आयसोलेशन सेंटर

कोरोनाच्या प्रादुर्भावामुळे लॉकडाऊन असल्याने हॉटेले, मॉल, कंपन्या, शाळा, मंदिरे बंद झाली आहेत. प्राणी आणि पक्ष्यांना अन्न-पाणी मिळण्याचे अनेक स्रोत बंद झाले आहेत. उन्हाचा तडाखा वाढल्यामुळे पक्षी आणि प्राण्यांच्या शरीरातील पाण्याचे प्रमाण कमी होत आहे. त्यामुळे डिहायड्रेशनाचा त्रास जाणवत असल्याने त्यांना रुग्णालयात नेण्याची वेळ आली आहे. भटके श्‍वान आणि मांजरांना काही नागरिक खाण्यासाठी देत असले, तरी पाण्यासाठी मात्र वणवण करावी लागत आहे. प्राणी-पक्ष्यांची उपासमार सुरू आहे. डिहायड्रेशमुळे अनेक पक्षी जमिनीवर कोसळण्याचे प्रकार घडत आहेत. प्राणीमित्र संघटनांना दररोज 20 ते 25 रेस्क्‍यू कॉल येत असल्याचे सांगितले जाते. 

मोठी बातमी ः VIDEO : लॉकडाऊन वाढवलं म्हणून मुंबईत हजारो नागरिक उतरलेत रस्त्यावर, लोकांचा धीर सुटतोय ?

घार, पोपट, कबूतर, घुबड, कावळे आणि चिमण्या आदी पक्षी वाढत्या उष्णतेमुळे हैराण असून, अन्नपाणी न मिळाल्याने अशक्तपणा आणि डिहायड्रेशनचा त्रास जाणवत आहे. भटके कुत्रे आणि मांजरांनाही असा त्रास होत आहे. असे पक्षी व प्राण्यांना रुग्णालयात आणल्यानंतर ग्लुकोजचे पाणी आणि मल्टिव्हिटामिन देण्यात येते. काही तास निरीक्षणाखाली ठेवून त्यांना सोडून देण्यात येते. सध्या परळच्या पशुवैद्यकीय रुग्णालयात 32 पक्ष्यांवर उपचार सुरू असल्याची माहिती डॉ. जे. सी. खन्ना यांनी दिली 

अशी घ्या काळजी 

•  इमारतीच्या गच्चीवर पक्ष्यांसाठी पाणी व धान्य ठेवा. 
•  घराच्या खिडकीत भांडे अडकवू धान्य व पाणी ठेवा. 
•  इमारतीच्या परिसरात प्राण्यांसाठी पाणी ठेवा. 
•  भुकेल्या प्राण्यांसाठी अन्नाची व्यवस्था करा. 
•  अन्न आणि पाणी ठेवलेली भांडी स्वच्छ ठेवा.