कल्याण : 'सोनियाची उगवली सकाळ' या प्रसिद्ध गाण्याचे गीतकार मधुकर घुसळे यांचे रविवारी (ता. 9) अल्पशा आजाराने निधन झाले. ते 72 वर्षांचे होते. त्यांच्या पश्‍चात पत्नी, दोन मुले असा परिवार आहे. रात्री उशिरा कल्याण पूर्वमधील विठ्ठलवाडी स्मशानभूमीत त्यांच्यावर अंत्यसंस्कार करण्यात आले. 

नक्की वाचा : व्यवसायाचे आर्थिक गणित बिघडले; सणासुदीच्या काळात ग्राहकांनी फिरवली पाठ

मागील 50 वर्षांपासून कवी मधुकर घुसळे कल्याण पूर्वमधील वालधुनी दत्त मंदिर, शिवाजी महाराज नगर परिसरात आपल्या कुटुंबासमवेत राहत होते. "सोनियाची उगवली सकाळ' यासारख्या अजरामर गाण्याने त्यांना नाव दिले असले, तरी त्यांनी, "आता काय लाजायचं', "डोकं फिरलंया, हाताला धरलंया', "भीमरावांचा पाळणा', "माणुसकीला कलंक लावी रीत हुंड्याची काळी' आदी अनेक ओठावर गुणगुणणारी गाणी तसेच कोळीगीते, लोकगीते दिली आहेत.

हे ही वाचा : कोरोनाचा 'आरटीओ'लाही फटका; महसूल घटल्याने 'या' वाहनधारकांकडे वळवणार मोर्चा

प्रल्हाद शिंदे, आनंद शिंदे, मिलिंद शिंदे, रंजना शिंदे यांसारख्या नामवंत गायकांनी त्यांची गाणी गायली आहेत. एक हरहुन्नरी लोककवी, भीमकवीच्या जाण्याने समाजाची मोठी हानी झाल्याची भावना व्यक्त होत आहे. 

(संपादन : वैभव गाटे)

Lyricist Madhukar Ghusle passes away read detail story