मुंबई : महाराष्ट्रात विधान परिषदेच्या आणि पदवीधर मतदार संघाचे निकाल जाहीर झालेत. शिवसेना, काँग्रेस आणि राष्ट्रवादी काँग्रेसच्या महाविकास आघाडीने या निकालांमध्ये आपलं निर्विवाद वर्चस्व सिद्ध केलंय. नागपूर आणि पुणे पदवीदार मतदारसंघात भाजपाला मोठा फटका बसलेला पाहायला मिळतोय. पहिल्यांदाच नागपूर आणि पुणे मतदारसंघात काँग्रेस व राष्ट्रवादीच्या रूपानं महाविकास आघाडीने मुसंडी मारली आहे. या निकालानंतर  प्रदेशाध्यक्ष चंद्रकांत पाटील यांनी माध्यमाशी संवाद साधला. मुंबईत चंद्रकांत पाटील माध्यमांशी बोलत होते. 

महत्त्वाची बातमी : अन्वय आत्महत्या प्रकरण: तपास CBIमार्फत करा,अर्णब गोस्वामींची मागणी

"मित्र त्यांना जाऊन मिळाला म्हणून हे चित्र"

याबाबत बोलताना भाजप प्रदेशाध्यक्ष चंद्रकांत पाटील म्हणालेत की, भाजपाला निवडून द्यायचं नाही हा एकाच महाविकास अजेंडा होता. मी महाविकास आघाडीला चॅलेंज देतो, हिंमत असेल तर एकटे एकटे लढा. आमच्या उमेदवारांचा जो पराभव झाला आहे त्याच आम्ही नक्की चिंतन चिंतन करू. प्रत्येक पक्षाची वोट बॅक असल्यामुळे आमचा पराभव झाला. मित्र त्यांना जाऊन मिळाला म्हणून हे चित्र (शिवसेना ) पाहायला मिळालं. शिवसेनेला या निवडणुकीत अक्षरशः भोपळा मिळाला आहे. मुख्यमंत्री शिवसेनेचे असूनही शिवसेनेला उमेदवार निवडता येत नाही. मी विनोदी विधान करतो अस शरद पवार बोलतात, त्यांना बोलू द्या. शिवसेना सोबत असती तर बळ मिळालच असतं. पण ते सोबत नाही, त्यांनी आता रंग बदलला आहे. ते सध्या राष्ट्रवादीसोबत आहेत, असं चंद्रकांत पाटील म्हणालेत. 

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

maharashtra vidhan parishad padvidhar election results official reaction of chandrakant patil of BJP