मुंबई: "केंद्राच्या सूचना आणि आयसीएमआरच्या मार्गदर्शक तत्त्वांचं  काटेकोरपणे महाराष्ट्रात पालन होतं. ट्रॅकिंग, टेस्टिंग आणि ट्रीटमेंट हे सूत्र महाराष्ट्रात पाळलं जातं" असे राज्याचे आरोग्य मंत्री राजेश टोपे म्हणाले. "गर्दी टाळण्यासाठी जे शक्य आहे ते सर्व करतोय. केंद्रीय मंत्री प्रकाश जावडेकरांनी आव्हानात्मक गोष्ट सांगितली. तीन लाख लसीकरण करत होतो, त्यांनी सहा लाख करायला सांगितलं. केंद्राकडून पुरवठा केला जाईल असं सांगितलं होतं. आम्ही साडेचार-पाच लाखापर्यंत पोहोचू आणि लवकरच सहा लाखापर्यंत जाऊ" असा विश्वास टोपे यांनी व्यक्त केला. 

"लस नाही म्हणून लसीकरण केंद्र बंद ठेवावं लागतं. लस नाही म्हणून परत पाठवाव लागतय. आमच्या गतीने लस पुरवठा झाला पाहिजे" असे राजेश टोपे म्हणाले. "कोरोनाला रोखायचं असेल, तर रोगप्रतिकारक शक्ती म्हणजे अँटीबॉडी वाढवणं हा रामबाण उपाय आहे" असं टोपे म्हणाले. "४५ वर्षाच्या लोकांना लसीकरण करण्यासाठी गाव पातळीवर टीम तयार केली आहे. 20 ते 40 वर्षाच्या वयोगटातील कोरोना रुग्ण वाढत आहेत. इतर राज्यात उशिरा करा पण महाराष्ट्रात पहिल 20 वर्षावरील नागरिकांना लस द्या, ही मागणी आम्ही केली आहे" असे टोपे म्हणाले. 

टेन्शन घेऊ नका, मुंबईतील कोरोना स्थितीबद्दल मोठी दिलासादायक माहिती

"ऑक्सिजन पुरवठ्यावर आम्ही FDA च्या माध्यमाने नियंत्रण ठेवत आहोत. ऑक्सिजन इतर राज्यातून आम्हाला द्यावेत ही मागणी केंद्राला केली आहे. A B C कॅटेगरितील रुग्णावर  रेमडीसीवरचा वापर करू नका. हॉस्पिटलचे बिल वाढण्यासाठी रेमडिसीवरचा वापर करू नये" असे टोपे यांनी सांगितले. 

अन्यथा जनता रस्त्यावर उतरेल, मनसेचं सूचक टि्वट

"मुंबई, पुणे येथे अडचण असली तरी बेड उपलब्ध आहेत. पुण्यात बेड वाढविण्याचा निर्णय घेण्यात आला आहे. दुकाने बंद केल्याचा रोष आहे. पण आपल्याला जीव वाचवायचे आहेत. थोडी कळ सोसली तर रुग्ण कमी होतील. आज 14 लाख लस म्हणजे 3 दिवसांचा साठा बाकी आहे. दर आठवड्याला 40 लाख लस पुरवठा केंद्राने करायला हवा. 2 दिवसांत 6 लाख प्रतिदिन लसीकरण होईल" असे राजेश टोपे म्हणाले.