मुंबई : राज्य माध्यमिक व उच्च माध्यमिक शिक्षण मंडळामार्फत मार्च महिन्यात घेण्यात आलेल्या दहावी परिक्षेच्या निकालाची तारीख येत्या दोन दिवसात जाहीर होण्याची शक्यता आहे. राज्य शिक्षण मंडळाकडून निकालाची तयारी अंतिम टप्प्यात अली असून, यासंदर्भात सोमवारी (ता.27) आढावा बैठक झाली. आज किंवा उद्या मंडळाकडून निकालाच्या तारखेची घोषणा होण्याची शक्यता आहे.

'तो' व्हिडिओ डोंबिवलीतील नव्हेच; व्हायरल व्हिडिओचं सत्य अखेर उघड... 

कोरोनाचा वाढता प्रादुर्भावामुळे यंदा दहावी परीक्षेचा निकाल लांबणीवर गेला आहे. लॉकडाऊनमुळे मुंबई आणि परिसरात पोस्ट कार्यालय आणि शाळांमध्ये दहावीच्या उत्तरपत्रिका मोठ्या प्रमाणात तपासाविना पडून होत्या. त्या तपासण्याचे काम पूर्ण झाले असून त्यासंर्दभातील संपूर्ण डेटा राज्य शिक्षण मंडळाकडे सोपविण्यात आला आहे. तर पुणे विभागातही अशाच प्रकारे उत्तरपत्रिका तपासण्याचे काम रखडले होते, त्याचेही काम पूर्ण झाले आहे. त्याचाही डेटा मंडळाकडे उपलब्ध झाला आहे. त्यामुळे येत्या दोन दिवसात दहावीच्या परीक्षेच्या निकालाची तारीख जाहीर होण्याची शक्यता मंडळातील वरिष्ठ सूत्रांकडून वर्तविण्यात आली आहे. 

हा दोष कुणाचा? व्हेंटिलेटरसाठी सहा तास, तर अंत्यसंस्कारासाठी 16 तासांची प्रतिक्षा....​

राज्य शिक्षण मंडळाचे मुंबई, पुणे, नाशिक, कोल्हापूर, अमरावती, नागपूर, लातूर, औरंगाबाद आणि कोकण असे नऊ विभागीय शिक्षण मंडळ आहेत. यापैकी पुणे आणि मुंबई विभागीय मंडळातील उत्तरपत्रिका तपासण्यात विलंब झाला होता. त्यातील सर्वाधिक उत्तरपत्रिका मुंबई विभागात रखडल्या होत्या. दहावी परीक्षा सुमारे 17 लाख विद्यार्थानी दिली आहे. दहावीचा निकाल जाहीर न झाल्यामुळे अकरावी आणि इतर अभ्यासक्रमाचे प्रवेश रखडले आहेत. निकाल जाहीर होताच विविध अभ्यासक्रमाच्या प्रवेशाला सुरुवात होणार आहे.
----
संपादन : ऋषिराज तायडे