मुंबई, ता.11 : मुंबई महानगरपालिकेच्या मार्फत पहिल्या टप्यात आरोग्य सेवेकांसह ज्या सव्वा लाख लोकांना लसीकरण करण्यात येणार आहे. त्यामध्ये एसटी कर्मचाऱ्यांचा समावेश का नाही असा प्रश्न महाराष्ट्र एसटी कर्मचारी कॉंग्रेसचे सरचिटणीस श्रीरंग बर्गे यांनी उपस्थित केला आहे. 23 मार्च पासून अत्यावश्यक सेवा देणाऱ्या कर्मचाऱ्यांना घरी आणि कर्तव्यावर सोडण्याचे काम एसटी कर्मचाऱ्यांनी केले असून, 98 पेक्षा जास्त कर्मचाऱ्यांना आपला जीव गमवावा लागला असल्याने, पहिल्या टप्यात एसटी कर्मचाऱ्यांनाही कोरोनाचे लसीकरण देण्याची मागणी बर्गे यांनी केली आहे.

महत्त्वाची बातमी : "केंद्राची भूमिका अनुकूल दिसत नाही, सरकारने अन्नदात्या शेतकऱ्यांच्या सहनशीलतेचा अंत पाहू नये" : शरद पवार

मुंबईतील अत्यावश्यक सेवेतील पोलिस, आरोग्य कर्मचारी, डॉक्टर, सफाई कामगार, मंत्रालय कर्मचारी, महानगरपालिका कर्मचार्यांसह अनेकांना आपल्या कर्तव्यावर पोहचवण्याचे काम एसटी कर्मचाऱ्यांनी केले आहे. त्यासाठी राज्यातील एसटी कर्मचाऱ्यांना मुंबईत कर्तव्यावर बोलविण्यात आले होते. तर कर्तव्य बजावताना सुमारे तीन हजार कर्मचारी कोरोना बाधित झाले असून, त्यातून 98 एसटी कर्मचाऱ्यांचा कोरोनाने मृत्यू झाला आहे. त्यासोबतच राज्यातील परप्रांतीय नागरिकांना सुद्धा त्यांच्या सीमेवर पोहचवले असून, परराज्यातून विद्यार्थ्यांना सुद्धा सुरक्षित राज्यात परत आणण्याचे काम एसटी कर्मचाऱ्यांनी बजावले आहे.

आता राज्य सरकार कोरोना लसीकरणाचा पहिला टप्पा लवरकच राबवणार आहे. त्यामुळे या मोहिमेत आरोग्य सेवकांसह एसटी कर्मचार्यांचाही समावेश करावा, अशी मागणी एसटी कर्मचाऱ्यांच्या संघटनांकडुन केली जात आहे.

मुंबई, नवी मुंबई, ठाणे , कल्याण डोंबिवली, मीरा भाईंदर, वसई विरारच्या बातम्या वाचण्यासाठी इथे क्लिक करा  ।  Marathi News From Mumbai

मुंबई महापालिका पहिल्या टप्प्यात सव्वा लाख आरोग्य कर्मचाऱ्यांना कोरोना होऊ नये म्हणून लसीकरण करणार आहे. पण लॉकडाऊन झाल्यापासून आरोग्य कर्मचारी व अत्यावश्यक सेवेतील कर्मचाऱ्यांची वाहतूक करणाऱ्या एस टी कर्मचाऱ्यांना पहिल्या टप्प्यात लसीकरण का नाही? आमच्याही चालक व वाहकांचे पहिल्या टप्यात लसीकरण करावे असं एसटी कर्मचारी काँग्रेस सरचिटणीस श्रीरंग बर्गे म्हणजे. 

maharashtra ST congress demands vaccine to ST workers in first phase on covid vaccination