मुंबई : लॉकडाऊनमुळे वाहतूक बंद असल्याने गेल्या २५ दिवसांपासून हा उत्पादित झालेला सर्व भाजीपाला व नागवेलीची पाने सध्या झाडांवरच आहेत; मात्र या मालाच्या वाहतुकीसाठी पालघर जिल्हा कृषी विभागाने परवानगी दिल्याने येथील नागवेलीच्या पानांसह मिरची आणि भाजीपाल्याला उत्तरेकडील राज्यांची बाजारपेठ मिळणार आहे. 

ना बॅंड, ना बाजा, ना बारात...

पालघर तालुक्‍यातील मिर्ची, भाजीपाल्यासह केळवे-माहीमच्या नागवेलीच्या पानांच्या व्यावसायाला मोठा फटका बसला आहे. सध्या पालघर जिल्ह्यात उत्पादित सर्व नाशवंत मालाला वाहतूक सुरू करून देण्याच्या शेतकऱ्यांच्या मागणीला पालघर जिल्हा कृषी विभागाने प्रतिसाद दिला आहे. त्यामुळे आता हा माल पालघर रेल्वे स्थानकावरून रेल्वेने उत्तरेकडील राज्यांमध्ये विक्रीसाठी पाठवण्यात येणार आहे.

इथे कोरोनाला नाही दिला थारा...

हा शेतमाल पाठवण्यासाठी रेल्वे गाड्यांची सुविधा पालघर रेल्वे स्थानकातून होणार असल्याने या भागातील पाने, मिरची, चिकू व इतर उत्पादने उत्तरेकडील भागांमध्ये कमी दरात आणि जलद गतीने पाठविणे शक्‍य होणार आहे. पश्‍चिम रेल्वेने सुरू केलेल्या विशेष मालवाहू सेवेसाठी पालघर येथे गाड्यांना थांबा देण्यात येणार आहे.

केळवेतील शेतकऱ्यांनी मोठ्या प्रमाणात मिरचीची लागवड केली; मात्र लॉकडाऊनमुळे माल पडून असल्याने कोट्यवधींचे नुकसान झाले.
जयेश पाटील, अध्यक्ष, शेतकी संस्था