मुंबई : सेंट्रल काउन्सिल ऑफ इंडियन मेडिसीनकडून (सीसीआयएम) राजपत्रात अधिसूचना प्रकाशित केली असून या अधिसूचनेला इंडियन मेडिकल असोसिएशनने विरोध केला आहे. या विराेधात आज (शुक्रवारी) राज्यातील वैद्यकीय सेवा बंद राहणार आहेत. या बंदमध्ये राज्यभरातील साधारण सव्वा लाख डाॅक्टर सहभागी हाेणार आहेत. शुक्रवारी रुग्णालयातील अत्यावश्यक सेवा व अत्यावश्यक शस्त्रक्रिया सुरु राहणार आहेत. मात्र इतर प्रा‌‌‌थमिक सेवा बंद राहणार असल्याचे इंडियन मेडिकल असोसीएशनकडून सांगण्यात आले.

राज्यव्यापी वैद्यकीय बंदमध्ये इंडियन मेडिकल असाेसीएशनचे ४५ हजार डाॅक्टर, मार्ड, निवासी, सर्जन असे राज्यभरातील एकूण सव्वा लाख डाॅक्टर या बंदमध्ये सहभागी हाेणार आहेत. सकाळी सहा ते संध्याकाळी सहापर्यंत आराेग्य सेवा बंद असणार आहे. यात दवाखाने, ओपीडी, क्लिनिक अशा प्रा‌‌थमिक सेवा बंद राहतील, तर अत्यावश्यक सेवा सुरु राहणार आहेत, या बंदमुळे रुग्ण व रुग्णांचे नातेवाईक यांची काेणतीही गैरसाेय हाेणार नसल्याचे इंडियन मेडीकल असाेिसएशनचे अध्यक्ष डाॅ. अविनाश भाेंडवे यांनी सांगितले. 

महत्त्वाची बातमी : मुंबईत रात्रीचा कर्फ्यु लागणार ? लाईफलाईन लोकल ट्रेनही सुरु करण्याचा विचार न्यू ईयर नंतरच !

का आहे विरोध ? 

या अधिसूचनेत सीसीआयएमने 58 शस्त्रक्रियांना शल्यतंत्र आणि शालाक्य तंत्र सांगून पदव्युत्तर शिक्षणात समाविष्ट केली आहेत. जनरल सर्जरी, युरॉलॉजी (मूत्ररोग शस्त्रक्रिया), सर्जिकल गॅस्ट्रोएंटरॉलॉजी, (पोटाच्या आणि आतड्याच्या शस्त्रक्रिया) इ.एन.टी. (नाक-कान-घसा), ऑफ्थाल्मोलॉजी (नेत्ररोग शस्त्रक्रिया) आणि डेंटिस्ट्री (दंतरोग शास्त्रक्रिया) यांचा समावेश आहे. त्यामुळे राज्यातील १५० सरकारी आणि खासगी रुग्णालयात कार्यरत असलेल्या पदव्युत्तर विद्यार्थ्यांना समाविष्ट करणाऱ्या डॉक्टरांची ज्युनिअर डॉक्टर्स नेटवर्कही आंदोलन करणार आहे.

याशिवाय या आंदोलनास महाराष्ट्र असोसिएशन ऑफ रेसिडेन्ट डॉक्टर्स म्हणजे मध्यवर्ती मार्ड संघटनेने ही पाठिंबा दिला आहे. आयएमए सदस्य 8 डिसेंबरपासून निदर्शने करत असून 11 डिसेंबर रोजी संपूर्ण महाराष्ट्र आणि भारतभर वैद्यकीय सेवा बंद करण्यात येणार आहे. कोविड सेवा वगळता बंद राहतील. आपत्कालीन सेवा, अपघात, प्रसूतीगृहे, आपत्कालीन शस्त्रक्रिया या सेवा सुरु राहणार आहे.

महत्त्वाची बातमी :  UPA च्या अध्यक्षपदासाठी शरद पवारांचं नाव चर्चेत ? संजय राऊतांनी दिली महत्त्वाची प्रतिक्रिया

केंद्र सरकारकडून कोणताही प्रतिसाद न मिळाल्यास राष्ट्रीय आयएमए सर्वोच्च न्यायालयात, राज्य आयएमए शाखा उच्च न्यायालयात, तर स्थानिक आयएमए शाखा संबंधित जिल्हा न्यायालयांमधील खटले दाखल करतील असा इशाराही देण्यात आला आहे.

मुंबई, नवी मुंबई, ठाणे , कल्याण डोंबिवली, मीरा भाईंदर, वसई विरारच्या बातम्या वाचण्यासाठी इथे क्लिक करा  ।  Marathi News From Mumbai 

medical services to remain close as IMA opposes CCIAM notification