मुंबई : महाशिवआघाडीच्या नेत्यांची राज्यपालासोबत होणारी आजची नियोजित बैठक पुढे ढकलण्यात आली आहे. पक्षांचे नेते त्यांच्या मतदारसंघात असल्यामुळे ही बैठक पुढे ढकलण्यात आल्याचं सांगण्यात येत आहे.
नेते अडकले मतदारसंघांत
महाशिवआघाडीतील नेते राज्यपाल भगतसिंग कोशियारी यांना भेटणार होते. पण, ही भेट पुढे ढकलण्यात आली. राष्ट्रवादी काँग्रेस, काँग्रेस आणि शिवसेना या तिन्ही पक्षांचे एक शिष्टमंडळ सायंकाळी साडेचार वाजता राज्यपालांची भेट घेणार होते. पण, काँग्रेसचे नेते पृथ्वीराज चव्हाण आणि विजय वडेट्टीवार त्यांच्या मतदार संघात असल्याने शिवसेना आणि राष्ट्रवादीच्या नेत्यांनी नियोजित भेट पुढे ढकलली आहे. ही भेट आता केव्हा होणार याबाबत मात्र स्पष्टता करण्यात आलेली नाही. पण, आता सोमवारनंतरच ही भेट होणार असल्याची शक्यता वर्तवली जात आहे.
किमान समान कार्यक्रम तयार
महाशिवआघाडीच्या नेत्यांमध्ये दोन दिवस बैठकांचे सत्र झाल्यानंतर आता तिन्ही पक्षांचा मिळून किमान समान कार्यक्रम तयार करण्यात आला आहे. यासाठी तिन्ही पक्षांचे श्रेष्ठी आग्रही होते. हा कार्यक्रम तयार असून, तो श्रेष्ठींकडे पाठवण्यात आल्याची माहिती काँग्रेस नेते विजय वडेट्टीवार यांनी इलेक्ट्रॉनिक माध्यमांशी बोलताना दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.