मुंबई  : मध्य, पश्चिम आणि हार्बर  रेल्वे मार्गावरील देखभाल आणि दुरुस्तीसाठी रविवारी मेगाब्लॉक घेण्यात येणार आहे. मध्य रेल्वे मार्गावरील  सीएसएमटी ते विद्याविहार स्थानकांदरम्यान दोन्ही दिशेकडील धिम्या मार्गावर सकाळी 10.50 ते दुपारी 3.50 पर्यंत ब्लॉक असेल. ब्लॉक दरम्यान धिम्या मार्गावरील वाहतूक जलद मार्गावरुन चालविण्यात येणार आहे. 

मुंबई परिसरातील बातम्या वाचण्यासाठी येथे क्लिक करा

हार्बर मार्गावरील पनवेल ते वाशी स्थानकांदरम्यान दोन्ही दिशेकडील रेल्वे मार्गावर सकाळी 11.05 ते दुपारी  4.05 वाजेपर्यंत दुरुस्ती केली जाणार आहे. परिणामी पनवेल ते वाशी, बेलापूर / नेरुळ ते खारकोपर वाहतूक बंद राहणार आहे. प्रवाशांच्या साेयीसाठी सीएसएमटी ते वाशी दरम्यान विशेष लाेकल चालविण्यात येणार आहेत. तसेच ट्रान्स हार्बर मार्गावरील ठाणे ते वाशी वाहतूक सुरु राहणार आहे.

सोनिया गांधी यांचे थेट उद्धव ठाकरेंना पत्र; किमान समान कार्यक्रमातील मुद्द्याची करून दिली आठवण

पश्चिम रेल्वेवर रविवारी सांताक्रुझ ते गाेरेगाव दरम्यान अप आणि डाउन जलद मार्गावर सकाळी 10.35 ते दुपारी 3.35 वाजेपर्यत दुरुस्ती करण्यात येणार आहे. ब्लॉकदरम्यान जलद मार्गावरील वाहतूक धिम्या मार्गावरुन चालविण्यात येणार आहे. तसेच दोन्ही दिशेकडील मार्गावरील काही लाेकल गाड्या रद्द करण्यात आल्या आहेत.

Megablock on Central Western and Harbor railway lines in Mumbai on Sunday

------------------------------------------------------------------

( संपादन - तुषार सोनवणे )