मुंबई : गोरेगावच्या नेस्को कोव्हिड केंद्रात कोरोना रुग्णांसाठी ऑनलाईन समुपदेशन सुरू केले आहे. केंद्रात दाखल झालेल्या रुग्णांसाठी महापालिकेने स्मार्टफोनच्या मदतीने स्वयंसेवी मानसशास्त्रज्ञांकडून ऑनलाइन व्हर्च्युअल समुपदेशन सत्र सुरू केले आहे.
कोरोनाची लागण झाली की, रुग्णांच्या मानसिक स्थितीवर परिणाम होतो. यामुळे मानसिक आरोग्याच्या दृष्टीने महत्त्वाची पावले उचलली जात आहेत. गेल्या सात महिन्यांपासून कोरोना रुग्णांचा मानसिक ताण प्रचंड वाढला आहे. त्यामुळे त्यांच्यासाठी समुपदेशनाचे सत्र ठेवण्यात आले आहे. पालिकेकडून पाच स्मार्टफोन दिले आहेत. व्हिडीओ कॉन्फरन्सिंगद्वारे या रुग्णांचे समुपदेशन केले जाते. शिवाय ज्या रुग्णांना त्यांच्या नातेवाइकांशी संपर्क करायचा असेल त्यांनाही या फोनद्वारे संपर्क करू दिला जातो.
तीन तास समुपदेशन
प्रफुल्लता संस्थेचे समुपदेशक रुग्णांचे समुपदेशन करत आहेत. ज्यांना मानसिक त्रास आहे, अशा रुग्णांची यादी तयार करण्यात आली. ही यादी ऑनलाईन समुपदेशकांना पाठवली आहे. असे सहा-सात समुपदेशक आहेत जे दररोज तीन तासांचे समुपदेशन करतात. डाटा एंट्रीचे काही ऑपरेटर रुग्णांसाठी समुपदेशकांना कॉल लावून देतात.
वॉर्डमध्ये जाऊन समुपदेशन करण्याची गरज पडत नाही. प्रत्येक रुग्णाला किमान 45 मिनिटांचे मोफत समुपदेशन केले जाते. कोव्हिडव्यतिरिक्त असलेला मानसिक ताण कमी करण्याचा प्रयत्न यानिमित्ताने केला जातो. पाच स्मार्टफोनपैकी दोन आयसीयूतील रुग्णांसाठी आहेत. तेथूनही रुग्णांना फोन लावून नातेवाइकांशी संपर्क केला जातो.
- डॉ. नीलम अंद्राडे,
अधिष्ठाता, नेस्को कोव्हिड केंद्र
-----------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.