भाईंदर : मिरा-भाईंदर शहरात कोरोना बाधितांची संख्या झपाट्याने वाढत असल्याने पावसाळ्यापूर्वी मिरा भाईंदर शहरात 'कोविड १९ हॉस्पिटल' / 'कोरोना केअर सेंटर' तयार करणे, शहरात आरोग्य सुविधेत वाढ करण्याची मागणी मुख्यमंत्री उध्दव ठाकरे यांनी मान्य केली आहे. राज्य सरकारने शहरात कोरोना केअर सेंटर उभारणे आणि आरोग्य सुविधांसाठी पहिल्या टप्प्यात १५ कोटींचा निधी मंजूर केला आहे , अशी माहिती शिवसेनेचे आमदार प्रताप सरनाईक यांनी बुधवारी (ता.27) दिली.

नक्की वाचा : हृदयद्रावक! उपाशी राहून केला ६० तासांचा प्रवास, अखेर भुकेमुळे निधन; श्रमिक ट्रेनमधलं दुर्दैवी वास्तव..  

मिरा-भाईंदर महापालिका क्षेत्रात कोरोना बाधित रुग्णांची संख्या झपाट्याने वाढत आहे. पावसाळा तोंडावर आला असून जून, जुलै  'कोरोना'चे सर्वाधिक धोकादायक महिने असतील, असे सांगितले जात आहे. त्यामुळे शहरात आरोग्य सुविधेत वाढ करण्याची गरज आमदार सरनाईक यांनी व्यक्त केली होती. राज्य सरकारने शहरात आरोग्य सुविधा वाढवण्याचे आदेश पालिकेला द्यावेत.  'कोरोना केअर सेंटर' सुरु करावे. यातून १ हजार अतिरिक्त खाटा, आयसीयू कक्ष, व्हेंटिलेटर, पुरेसा औषध साठा, आरोग्य यंत्रणा अशी आरोग्य व्यवस्था द्यावी, अशी विनंती सरनाईक यांनी केली होती. त्यांनी मुख्यमंत्री ठाकरे यांच्याशी चर्चा केल्यानंतर मागणी मान्य झाली आहे. 

हे ही वाचा : विमानसेवा सुरु झाली अन् अनेकांनी मुंबई सोडण्याचा निर्णय घेतला...

आराखडे तयार करण्याचे आदेश
'कोरोना केअर सेंटर' बनविण्यासाठी मीरा भाईंदर शहरात योग्य अशी जागा निश्चित करून त्यासाठीचा आराखडा बनवून तो तत्काळ राज्य सरकारला मंजुरीसाठी सादर करण्याच्या सूचना कोकण विभागीय आयुक्त शिवाजीराव दौंड यांना सरकारने दिल्या आहेत.  पावसाळ्यापूर्वी ही सर्व कामे करण्याचे आव्हान प्रशासनासमोर असणार आहे. 

मोठी बातमी : शाळा सुरु झाल्यानंतर काय? मुख्यमंत्र्यांनी दिल्यात 'या' महत्त्वाच्या सुचना...

लवकरच आयएएस ऑफिसरची नियुक्ती  
मिरा-भाईंदर महापालिका प्रशासनाच्या मदतीला आणि फक्त 'कोरोना' उपाययोजनांचे कामकाज पाहण्यासाठी एक 'आयएएस' ऑफिसर दिला जावा, अशी मागणी प्रताप सरनाईक यांनी केली होती. ही मागणीही मान्य झाली असून लवकरच मिरा-भाईंदर महापालिकेत एक आयएएस ऑफिसर राज्य सरकारकडून नियुक्त केला जाणार आहे.

Mira Bhayander gets Rs 14 crore for fight against Corona