मिरा रोड : कोरोना विषाणूचा वाढता प्रादुर्भाव रोखण्यासाठी महानगरपालिका कर्मचाऱ्यांची आवश्‍यकता असतानाही काही कर्मचारी व अधिकारी कामावर येत नसल्याची धक्कादायक बाब उघडकीस आली आहे. अशा सर्वांनी तातडीने कामावर हजर व्हावे, अन्यथा त्यांच्यावर बडतर्फीची कारवाई करण्यात येईल, असा इशारा मिरा-भाईंदर महानगरपालिकेचे आयुक्त चंद्रकांत डांगे यांनी दिला.
मिरा-भाईंदर शहरात दिवसेंदिवस कोरोनाबाधित रुग्णांची संख्या झपाट्याने वाढत आहे. अशा परिस्थितीत आयुक्त डांगे दिवसभर विविध विभाग रुग्णालयांना भेट देत परिस्थितीचा आढावा घेत असतानाच काही अधिकारी कामावर येत नसल्याचे त्यांच्या निदर्शनास आले. त्यामुळे पालिकेकडे कर्मचारी व अधिकाऱ्यांची सध्या कमतरता जाणवत आहे.
शहरावरील कोरोनाचे संकट दूर करण्यासाठी आयुक्त डांगे यांनी 27 मार्च रोजी सर्व अधिकारी व कर्मचाऱ्यांच्या सार्वजनिक व वैयक्तिक सुट्ट्या रद्द करून त्यांना तातडीने कामावर हजर राहण्याचे आदेश जारी केले होते; मात्र काही अधिकारी व कर्मचाऱ्यांनी आयुक्तांचे आदेश धाब्यावर बसवल्याचे दिसून येते.
विभागप्रमुखांना अधिकार
दरम्यान, आवश्‍यक कर्मचाऱ्यांना कामावर रुजू करण्याचे सर्व अधिकार आयुक्तांनी विभागप्रमुख व प्रभाग अधिकाऱ्यांना दिले आहेत. याचे पालन न करणाऱ्यांविरोधात साथ रोग प्रतिबंधक कायद्यानुसार कारवाई करून त्यांच्या बडतर्फीचा प्रस्ताव सादर करावा, असा सक्त आदेश आयुक्तांनी दिला आहे.
Mira-Bhayander Municipal Commissioner's warning
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.