मुंबई : लॉकडाऊनमुळे मुंबई महानगर प्रदेश विकास प्राधिकरणाची (एमएमआरडीए) रखडलेल्या प्रकल्पाची कामे आता पुन्हा एकदा सुरु करण्यात आली. यामध्ये भिवंडी-कल्याणला जोडणारा दुर्गाडी पूल, ठाण्यातील माजीवाडा मेट्रो स्थानकाचे काम तसेच मुंबई-ठाणे यांना जोडणाऱ्या कोपरीच्या उड्डाणपूलाची कामे सुद्धा सुरु करण्यात आली आहे. यावेळी प्रकल्पस्थळी काम करणाऱ्या कंत्राटी कामगारांकडून सोशल डिस्टन्सिंग आणि स्वच्छतेची पुरेशी काळजी घेऊन काम केली जाते. 

मोठी बातमी ः हुश्‍श! मुंबईवरचा मोठा धोका टळला; 11 हजार जणांचा होम क्वारंटाईनचा कालावधी पुर्ण

कोरोनाच्या पार्श्वभूमीवर संपूर्ण लॉकडाऊन जाहीर झाल्यानंतर शहर आणि महानगर परिसरातील पायाभूत सुविधांची कामेही ठप्प झाली. सध्या एमएमआरडीएतर्फे सर्वाधिक प्रमाणात पायाभूत सुविधांची कामे सुरु आहेत. सहा मेट्रो मार्गिका, मुंबई पारबंदर प्रकल्प आणि इतर उड्डाणपूल या कामांचा त्यामध्ये समावेश आहे. तसेच कोरोनाची भीती आणि हाताला काम नसल्यामुळे देशभरात अनेक ठिकाणी कामगारांचे मूळ गावी स्थलांतर होऊ नये, म्हणून एमएमआरडीएने सुमारे 11 हजार मजूरांची व्यवस्था मुंबईतच करण्यात आली आहे; मात्र आता लॉकडाऊनचा कालावधी वाढवल्यानंतर अखेर एमएमआरडीएकडून रखडलेल्या कामांना सुरुवात केली आहे. यामध्ये भिवंडी-कल्याणला जोडणारा दुर्गाडी येथील खाडीपुलाचे सहापदरीकरणाचे काम सुरू आहे. त्याच्या तीन मार्गिका मे अखेरपर्यंत सुरू होण्याची शक्‍यता आहे.

महत्वाची बातमी ः चेक फ्राॅम होम... एकाच क्लिकवर डाॅक्टरांकडून उपचार

सध्या हे काम डोंबिवलीच्या दिशेने झाले असून भिवंडीच्या दिशेने कामे करण्यात येत आहे. तसेच ठाण्यातील माजीवाडा मेट्रो स्थानकाच्या कामाबरोबर मुंबई - ठाणे यांना जोडणाऱ्या कोपरीच्या उड्डाणपूलाची कामे सुरु करण्यात आली आहे. प्रकल्पांची कामे करताना कामगारांकडून योग्य ती स्वच्छता राखली जात आहे. तसेच त्यांच्या जेवणाची, राहण्याची व्यवस्था कंत्राटदारांतर्फे करण्यात आल्याचे, एमएमआरडीएकडून सांगण्यात आले.