मुंबई: राज्यात २०१९ला झालेल्या विधानसभा निवडणुकीनंतर राजकारणातलं चित्र बदलेलं पाहायला मिळालं. शिवसेनेनं भाजपपासून काडीमोड घेत काँग्रेस आणि राष्ट्रवादी काँग्रेससोबत ऐतिहासिक आघाडी करत सत्ता स्थापन केली. या घडलेल्या घडामोडीनंतर भाजप आगामी काळात येणाऱ्या निवडणुकांसाठी नव्या साथीदाराचा शोध घेत असल्याचं बोललं जात आहे. गेल्या काही दिवसांपासून भाजप-मनसेची जवळीक वाढलेली पाहायला मिळत आहे. त्यामुळे त्यांच्या युतीचीही शक्यता वर्तवली जात आहे. मात्र आता भाजप आणि मनसेच्या नेत्यांमध्ये काही कारणास्तव जुंपली असल्याचं चित्र आता पाहायला मिळालं. 

भाजप नेते आशिष शेलार यांनी भाजप- मनसे युतीवर प्रतिक्रिया दिली. त्यावर आता  मनसे आमदार राजू पाटील यांनी खोचक असं प्रत्युत्तर दिलं आहे. अजून तरी भाजप-मनसे यांच्यात युतीबाबत काही बोलणं झालेलं नाही. आम्ही एकट्याच्या जीवावरच इतिहास घडवणार आहोत,' असं वक्तव्य आशिष शेलार यांनी केलं. शेलार यांच्या या वक्तव्याचा राजू पाटील यांनी जोरदार समाचार घेतला. 

मुंबई विभागातल्या ताज्या बातम्या वाचण्यासाठी येथे क्लिक करा.

आम्ही त्यांना कुठे विचारलं आहे. आम्हाला घ्या असे आम्ही त्यांना विचारायला गेलो आहे का उगाचच काहीतरी झगामगा माझ्याकडे बघा हे असं चालतं नाही. आम्ही विचारलं तर तुम्ही त्यावर बोला. प्रतिक्रिया द्या. जर आम्ही विचारलचं नाही, तर यावर का प्रतिक्रिया देत आहात, असं म्हणत राजू पाटील यांनी भाजपवर हल्लाबोल केला आहे. 

हेही वाचा- उद्यापासून मुंबई लोकलनं प्रवास करणाऱ्या प्रवाशांसाठी रेल्वे प्रशासनाने घेतला मोठा निर्णय 

आम्ही अजून तरी भाजप-मनसे युतीची बातचीत केलेली नाही. अकेले दम पर भी हम इतिहास करने वाले हे,” असं आशिष शेलार म्हणाले होते. यावर उत्तर देताना राजू पाटील यांनी आशिष शेलारांना टोला लगावला.

MNS and BJP alliance discussion Rumors Raju Patil criticizes Ashish Shelar