मुंबई : नवी मुंबईतील तुर्भे भागात असणाऱ्या थायरोकेअर लॅबमधून कोरोनाचे चुकीचे अहवाल येत असल्यामुळे या लॅबविरोधात मनसेने आक्रमक भूमिका घेत लॅबवरच धडक देत लॅब बंद पाडली. मनसेचे ठाणे जिल्हाध्यक्ष अविनाश जाधव यांच्या नेतृत्त्वाखाली आंदोलन करण्यात आले. या वेळी नवी मुंबईचे उपशहरप्रमुख नीलेश बाणखिले उपस्थित होते.
काही दिवसांपासून कोरोनाच्या चाचण्यांमध्ये काही खासगी लॅब हेराफेरी करत असल्याचा आरोप होत आहे. तुर्भे एमआयडीसीमध्ये असणाऱ्या थायरोकेअर लॅबमध्येही चुकीचे अहवाल येत असल्यामुळे मनसे आक्रमक झाली.
तुर्भे पोलिसांच्या मदतीने मनसेने थेट खासगी लॅबवर धडक मारली. यानंतर लॅब बंद करण्यात आली असून, लॅबचा अहवाल प्राप्त झाल्यानंतर लॅब सुरू करणार करण्यात येणार आहे.
थायरोकेअर लॅबमधून खोटे अहवाल मिळत असल्याच्या तक्रारी प्राप्त झाल्या होत्या. त्यानंतर ठाणे, पनवेल महानगरपालिकेने येथे कोरोना टेस्टसाठी अहवाल पाठवणे बंद केले होते . मात्र नवी मुंबई येथील नमुने येथे टेस्टसाठी पाठवण्यात येत होते.
मनसेचे ठाणे पालघर जिल्हाप्रमुख अविनाश जाधव यांच्या नेतृत्वाखाली तुर्भे येथील थायरोकेअरच्या मुख्यालयावर धडक देऊन आंदोलन करण्यात आले. ही लॅब बंद करण्यात आली, अशी माहिती नवी मुंबई उपशहर अध्यक्ष नीलेश बाणखिले यांनी दिली.
महाराष्ट्र नवनिर्माण सेनेच्या या आंदोलनानंतर सर्व प्रशासकीय व्यवस्था हादरली आहे. पुढील सर्व अहवाल येईपर्यंत थायरोकेअर लॅब संपूर्णपणे बंद करण्यात आल्याचे सांगण्यात येत आहे.
MNS took action against thyrocare lab in navi mumbai
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.