मुंबई : महाराष्ट्रातील शेतकऱ्यांसाठी महत्त्वाची आणि मोठी बातमी समोर येतेय. महाविकास आघाडी सरकारकडून अतिवृष्टीने बाधित शेतकऱ्यांना मदत केली जाणार आहे. येत्या सोमवारपासून जिल्हाधिकाऱ्यांच्या मार्फत शेतकऱ्यांच्या खात्यात पैसे जमा केले जातील. स्वतः महाराष्ट्राचे मदत आणि पुनर्वसन मंत्री विजय वडेट्टीवार यांनी याबाबत माहिती दिली आहे.
आज राज्य मंत्रिमंडळाच्या बैठकीत महत्त्वाची चर्चा झाली. येत्या सोमवारपासून शेतकऱ्यांच्या खात्यात पैसे जमा करण्याचा निर्णय झाल्याचं वडेट्टीवार यांनी म्हटलंय. अतिवृष्टीने शेतकऱ्यांचं मोठ्या प्रमाणात नुकसान झालंय. शेतकऱ्यांना पुढील हंगामासाठी तयार करायचं आहे त्यामुळे शेतकऱ्यांना तातडीने मदत देणे गरजेचे आहे याचा पुनरुच्चार वडेट्टीवार यांनी केलाय.
याबाबत अधिक माहिती देताना मदत आणि पुनर्वसन मंत्री विजय वडेट्टीवार म्हणालेत की, शेतकऱ्यांना महाविकास आघाडीने दिलेला शब्द, मुख्यमंत्र्यांनी दिलेला शब्द पाळला आहे. दिवाळीपूर्वी शेतकऱ्यांच्या हातात पैसे पडतील हा शब्द आम्ही पाळत आहोत. येत्या सोमवारपासून शेतकऱ्यांच्या खात्यात पैसे जमा व्हायला सुरवात होईल. आम्ही याबाबत राज्य निवडणूक आयोगाला देखील पत्र लिहून कळवलं आहे. अशा प्रकारचे पैसे वाटायचे असल्यास निवडणूक आयोगाची परवानगी महत्त्वाची आहे. या आधीही अशा परवानग्या मिळालेल्या आहेत, जिथल्या शेतकऱ्यांना मदतनिधी दिला जाणार आहे तिथे निवडणूका नाहीत, त्यामुळे ती परवानगी नक्कीच मिळेल आणि तिथे अडचण येईल असं मला वाटत नाही असेही वडेट्टीवार म्हणालेत.
from this monday farmers will start getting relief fund minister vijay wadettiwar disclosed information
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.