मुंबई : नैर्ऋत्य मोसमी वारे गुरूवारी कोकणात आणि मध्य महाराष्ट्राच्या काही भागात दाखल झाल्यानंतर शुक्रवारी हरणे, बीड, नागपूर, बारामती, वर्धा आणि राज्याच्या आणखी काही भागात मान्सून दाखल झाला आहे. मान्सून पुढे राज्यभर मार्गक्रमण करण्यासाठी परिस्थिती अनुकूल असून येत्या 48 तासात मान्सून मुंबईसह संपूर्ण राज्य व्यापणार आहे, अशी माहिती मुंबई प्रादेशिक हवामान विभागाने दिली आहे. शुक्रवारी मुंबईमध्ये दिवसभर वातावरण ढगाळ होते. संध्याकाळी काही ठिकाणी तुरळक सरी पडल्या.

विधानपरिषदेसाठी महाविकास आघाडीचा ५, ४, ३ चा फॉर्म्युला? म्हणून काँग्रेस नाराज ?

मान्सूनने शुक्रवारी महाराष्ट्रातील आणखी काही भागात हजेरी लावली. सिंधुदूर्ग व मालवणमध्ये चांगला पाऊस झाला. सिंधुदूर्गमध्ये 140 मिमी,  मालवणमध्ये 158 मिमी, संगमेश्वरमध्ये 115 मिमी,  बीड मध्ये 62 मिमी, उदगीरमध्ये 65 मिमी, मुखेडमध्ये 61 मिमी पावसाची नोंद झाली आहे. येत्या 48 तासांत मान्सून मुंबईसह संपूर्ण राज्यात दाखल होईल, अशी माहिती मुंबई प्रादेशिक हवामान विभागाच्या शास्त्रज्ञ शुभांगी भुते यांनी दिली.

मुंबई परिसरातील बातम्या वाचण्यासाठी येथे क्लिक करा

विजांच्या कडकडाटासह जोरदार पाऊस
येत्या 48 तासात पालघर, मुंबई, ठाणे येथील काही ठिकाणी  ढगांच्या गडगडाट व विजेच्या कडकडाटसह जोरदार पाऊस पडणार असून कोकण किनारपट्टीवर जोरदार वारे वाहणार आहेत. मध्य महाराष्ट्र आणि मराठवाड्यात तुरळक ठिकाणी मुसळधार ते अतिमुसळधार पाऊस पडण्याची शक्यता मुंबई प्रादेशिक हवामान विभागाकडून वर्तवण्यात आली आहे. शुक्रवारी कुलाबा येथे 32 अंश सेल्सिअस तर सांताक्रुझ येथे 32. 4 अंश सेल्सिअस कमाल तापानाची नोंद झाली. कुलाबा येथे 81 टक्के आणि सांताक्रुझ येथे 72 टक्के आर्द्रता नोंदवण्यात आली.