मुंबई: झोपडपट्ट्या आणि दाटीवाटीच्या वस्त्या असलेल्या मुंबईतील प्रभागांमध्ये मृत्यूदर सर्वाधिक आहे.चेंबूर,देवनार,कुर्ला,वांद्रे पुर्व विभागात सर्वाधिक मृत्यूदर असून तेथे झोपडपट्‌टयांमधील लोकसंख्याही 66 टक्‍क्‍यांपासून 84 टक्‍क्‍यां पर्यंत आहे.

महानगर पालिकेने जाहीर केलेल्या 4 जुलैच्या आकडेवारी नुसार मुंबईत आता 82 हजार 814 कोविड रुग्ण नोंदविण्यात आले असून त्यातील 52 हजरा 963 जणांनी कोविडवर मात केली आहे.तर,23 हजार 248 रुग्णांवर उपचार सुरु असून 4 हजार 592 रुग्णांचा मृत्यू झाला आहे.संपुर्ण मुंबईचा विचार केल्यास मृत्यूदर 5.54 टक्के आहे.

हेही वाचा: मोठी बातमी! सॅनेटाईझर, एन 95 मास्क विक्रीबाबत राज्य सरकार घेणार मोठा निर्णय; वाचा सविस्तर..

मुंबईत आता पर्यंत आढळलेले 60 टक्‍क्‍यांहून अधिक कोविड बाधित रुग्ण हे झोपडपट्ट्या आणि दाटीवाटीच्या चाळींमध्ये राहाणार आहेत.एम पश्‍चिम चेंबूर प्रभागात मृत्यूदर 8.39 टक्के आहे.हा मुंबईतील सर्वाधिक मृत्यूदर आहे.तर,या प्रभागातील एकूण लोकसंख्ये पैकी 68.48 टक्के नागरीक हे झोपडपट्टीत राहाणार आहेत.

तर,त्या खालोखाल एच पुर्व म्हणजे वांद्रे,सांताक्रुझ,खार पुर्व भागातील 78.79 टक्के लोकसंख्या झोपडपट्टीत राहाणार आहे.येथे मृत्यूदर 8,27 टक्के आहे.त्या खालोखाल देवनार,मानखुर्द या एम पुर्व भागात मृत्यूदर 8.12 टक्के असून येथे झोपडपट्यांमध्ये राहाणारी लोकसंख्या 77.55 टक्के आहे.तर,कुर्ला एल प्रभागात 84.68 टक्के लोकसंख्या झोपडपट्टीत राहाणारी आहे.या भागात मृत्यूदर 8.19 टक्के आहे.

हेही वाचा; धक्कादायक! बाळकुम रुग्णालयातून 72 वर्षीय कोरोनाग्रस्त रुग्ण बेपत्ता; रुग्णालय प्रशासनाचा भोंगळ कारभार..

कुलाबा ए प्रभागात मृत्यूदर सर्वात कमी 2.53 टक्के आहे.येथे 28.88 टक्के नागरीक झोपडपट्टीत राहाणार आहेत.त्या खालोखाल कांदिवली आर दक्षिण मध्ये 2.71 मृत्यूदर असून येथे 55 टक्के नागरीक झोपडपट्टीत राहाणार आहेत.मुलूंड टि प्रभागातील 35.21 टक्के नागरीक झोपडपट्टीत राहाणार असून या प्रभागात मृत्यूदर 2.97 टक्के आहे. मुंबईतील दहा प्रभागांमधील मृत्यूदर हा शहरातील सरासरी मृत्यूदरापेक्षा कमी आहे.

more people lost their lives in slums of mumbai due to corona