मुंबई, ता. 28 : पश्चिम रेल्वे मार्गावरून मुंबई ते अहमदाबाद दरम्यान धावणारी खासगी तेजस एक्सप्रेस 14 फेब्रुवारी पासून प्रवाशांच्या सेवेत रुजू हाेणार आहे. या गाड्यांनी प्रवास करणार्‍या प्रवाशांना सुरक्षा किट देण्यात येणार आहे. यामध्ये प्रवाशांना मास्क, सॅनिटायझर, फेस शिल्ड आणि हॅन्ड ग्लाेव्हज देण्यात येणार आहे. ही गाडी आठवड्यातून शुक्रवार, शनिवार, रविवार आणि सोमवार या चार दिवस धावणार आहे.

महत्त्वाची बातमी : "येणाऱ्या निवडणुकीत 'वीरप्पन गॅंग'चा एन्काऊंटर करावाच लागेल", मनपा निवडणुकांआधी मुंबईत गरमागरमी

काेराेनामुळे खबरदारीचा उपाय म्हणून 19 मार्च 2020 पासुन देशात धावणार्‍या तिन्ही खासगी तेजस एक्सप्रेस रद्द करण्यात आल्या हाेत्या. त्यानंतर ऑक्टोबर 2020 मध्ये पुन्हा ट्रेन सुरू केल्या. दुर्गा पुजा, दसरा आणि दिवाळी सणानिमित्त बाहेरगावी जाणार्‍या प्रवाशांच्या मागणीनुसार तेजस एक्सप्रेस सुरु करण्याचा निर्णय रेल्वे मंत्रालयाने घेतला आहे.

महत्त्वाची बातमी : नामांकित IT कंपनीचा कर्मचारी डार्क वेबवरून करायचा काळे धंदे, NCB ने ड्रग्ससकट अरबाजलाही उचललं

त्यानुसार आयआरसीटीसी (IRCTC ) तेजस एक्सप्रेस चालविण्यासाठी सज्ज झाले होते. मात्र प्रवाशांचा प्रतिसाद न मिळाल्याने नोव्हेंबर 2020 मध्ये पुन्हा तेजस एक्सप्रेस बंद करण्यात आली. आता  प्रवाशांच्या सोयीसाठी 14 फेब्रुवारीपासून तेजस एक्सप्रेस सुरू करणार असल्याची माहिती आयआरसीटीसी कडून देण्यात आली.

mumbai ahemdabad tejas express will resume from 14th February after suspension of services