मुंबई : आज कोरोनाच्या नवीन रुग्णांचा (corona new patients) आकडा काहीसा कमी झाला असून आज 416 नवीन रुग्णांची नोंद झाली. तर आज दिवसभरात 4 रुग्णांच्या मृत्यूची नोंद (corona deaths) झाली. मृतांचा एकूण आकडा 15,991 वर पोहोचला आहे.

आज नोंद झालेल्या मृतांपैकी चौघांना ही दिर्घकालीन आजार होते. चार पैकी 3 पुरुष 1 महिला रुग्ण होते. मृतांपैकी 2 रुग्णांचे वय 40 ते 60 वयोगटाच्या दरम्यान होते तर 2 रुग्णांचे वय 60 वयोगटाच्या वर होते. कोरोना बाधित रुग्णांची एकूण संख्या 7,45,850 वर पोहोचली आहे. तर दरम्यान, दिवसभरात बरे होणाऱ्या रुग्णांचा आकडा वाढला असून 382 रुग्णांनी कोरोनावर मात केल्याने आतापर्यंत 7,23,840 रुग्ण कोरोनामुक्त झाले आहेत.त्यामुळे मुंबईत सध्या 3,561 सक्रिय रुग्ण विविध रुग्णालयात उपचार घेत आहेत.

दरम्यान आज 36,546 चाचण्या झाल्या असून पॉझिटिव्हीटी दर 1.13 टक्के इतका आहे. आतापर्यंत 93,89,842 एवढ्या झाल्या आहेत. बरे झालेल्या रूग्णांचा दर 97 टक्के असून कोविड वाढीचा दर 0.05 टक्के आहे.मुंबईतील रूग्ण दुपटीचा कालावधी 1379 दिवस असा आहे.

धारावीत शून्य रुग्णांची नोंद 

धारावीत आज पुन्हा शून्य रुग्णांची नोंद झाली. कोविड काळात 15 वेळा धारावीत एकाही रुग्णाची नोंद झाली नाही. धारावीतील एकूण रुग्णसंख्या 7,029 इतकी आहे. तर केवळ 13 सक्रिय रुग्ण असून आतापर्यंत 6,607 रुग्ण बरे होऊन घरी गेले. दादर मध्ये आज केवळ 2 नवीन रुग्ण सापडला असून एकूण रुग्णसंख्या 10,055 इतकी आहे. सक्रिय रुग्णांची संख्या 90 असून आतापर्यंत 9669 रुग्ण बरे झाले आहेत. माहीम मध्ये ही केवळ 8 नवीन रुग्ण सापडला असुन एकूण रुग्णसंख्या 10,392 झाली आहे. 127 सक्रिय रुग्ण असून  10,004 रुग्ण बरे झाले आहेत.