मुंबई : आज कोरोनाच्या नवीन रुग्णांचा (corona new patient) आकडा काहीसा वाढला असून आज 422 नवीन रुग्णांची नोंद झाली. तर आज दिवसभरात 3 रुग्णांच्या मृत्यूची (corona deaths) नोंद झाली. मृतांचा एकूण आकडा 15,987 वर पोहोचला आहे. आज नोंद झालेल्या मृतांपैकी तिघांना ही दीर्घकालीन आजार होते. तीनपैकी 2 पुरुष 1 महिला रुग्ण होते. तिघांही मयताचे वय 60 वयोगटाच्या वर होते. कोरोना बाधित (corona patients) रुग्णांची एकूण संख्या 7,45,434 वर पोहोचली आहे.

तर दरम्यान, दिवसभरात 303 रुग्णांनी कोरोनावर मात केल्याने आतापर्यंत 7,23,458 रुग्ण कोरोनामुक्त झाले आहेत.त्यामुळे मुंबईत सध्या 3,532 सक्रिय रुग्ण विविध रुग्णालयात उपचार घेत आहेत. दरम्यान आज 32,640 चाचण्या झाल्या असून पॉझिटिव्हीटी दर 1.29 टक्के इतका आहे. आतापर्यंत 93,53,296 एवढ्या झाल्या आहेत. बरे झालेल्या रूग्णांचा दर 97 टक्के असून कोविड वाढीचा दर 0.05 टक्के आहे.मुंबईतील रूग्ण दुपटीचा कालावधी 1416 दिवस असा आहे.