मुंबई : मुंबईत बुधवारच्या तुलनेत कोविड बाधित रुग्णांच्या (corona patients) संख्येत घट झाल्याचे दिसते. आज कोरोनाचे 283 नवे रुग्ण (corona new patients) आढळले. काल 347 नवीन रुग्ण सापडले होते. कोरोना बाधित रुग्णांची एकूण संख्या 7,58,819 वर पोहोचली आहे. तर आज केवळ 2 रुग्ण दगावले (corona deaths) आहेत. 176 रुग्णांनी कोरोनावर मात केल्याने आतापर्यंत 7,37,123 रुग्ण कोरोनामुक्त (corona free patients) झाले आहेत. 

आज 2 कोविड मृत्यूची नोंद झाली झाल्याने मृतांचा एकूण आकडा 16,287 वर पोचला आहे.बरे झालेल्या रूग्णांचा दर 97 टक्के असून कोविड वाढीचा दर 0.03 टक्के झाला आहे. मुंबईतील रूग्ण दुपटीचा कालावधी 2153 दिवस झाला आहे. मुंबईत मुंबईतील सक्रिय रुग्णांची संख्या 2863 आहे. आज दिवसभरात 37,517 कोविड चाचण्या झाल्या असून आतापर्यंत 1,17,92,246 एवढ्या चाचण्या झाल्या आहेत.