मुंबई: शहरात दररोज सापडणाऱ्या रुग्णांचा (New Corona Cases) आकडा कमी झाला असून त्यामुळे सक्रिय रुग्णांची (Active Cases) संख्या ही कमी झाली आहे. गेल्या 15 दिवसात सक्रिय रुग्णांचा आकडा निम्म्यावर आला असल्याचे दिलासादायक (Relaxing) चित्र दिसत आहे. मुंबईतील (Mumbai) रुग्णसंख्या नियंत्रणात आल्याने सक्रिय रुग्णांचा आकडा कमी होऊन 37 हजार 656 हजारांवर आला आहे. 1 मे रोजी मुंबईत 59 हजार 318 सक्रिय रुग्ण होते. त्यांच्यावर विविध रुग्णालयांत उपचार सुरू होते. त्यात आता 50 टक्के घट झाली आहे. (Mumbai Coronavirus Updates Active Cases Decreased 50 per cent)

मुंबईत आज 1657 नवीन रुग्ण सापडले तर 2572 रुग्णांनी कोरोनावर मात केली. मुंबईतील कोरोनाग्रस्तांचा एकूण संख्या 6,85,705 इतकी झाली आहे. आज 62 रुग्ण दगावले. मुंबईत कोरोना रुग्ण वाढीचा सरासरी दर 0.34 टक्क्यांवर आला आहे. रुग्ण दुपटीचा कालावधी ही कमी होऊन 199 दिवसांवर आला आहे. त्यामुळे मुंबईत नव्या रुग्णांची संख्या दिवसेंदिवस नियंत्रणात येत असल्याचे दिलासादायक चित्र समोर आले आहे. आतापर्यंत 58,51,279 कोरोना चाचण्या करण्यात आल्या. रुग्ण बरे होण्याचे प्रमाण 92 टक्के आहे. मुंबईत आज 2572 रुग्णांनी कोरोनावर मात केली असून आतापर्यंत 6,31,982 रुग्ण कोरोना मुक्त झाले आहेत.

मुंबईत आज दिवसभरात 62 रुग्णांचा मृत्यूची नोंद झाल्याने मृतांचा आकडा 14 हजार 138 वर पोहोचला आहे. आज मृत झालेल्यापैकी 31 रुग्णांना दीर्घकालीन आजार होते. मृत्यू झालेल्यांमध्ये 38 पुरुष तर 24 महिला रुग्णांचा समावेश होता. मृत्यू झालेल्या रुग्णांपैकी 6 रुग्णांचे वय 40 वयोगटाच्या खालील होते. 22 रुग्णांचे वय 40 ते 60 वयोगटातील होते तर 34 रुग्णांचे वर 60 वर्षाच्या वर होते.

धारावीत 9 तर दादरमध्ये 13 नवे रुग्ण

धारावीतील रुग्णसंख्या नियंत्रणात आली असून धारावीत आज 9 नवीन रुग्ण सापडले असून एकूण रुग्णांची संख्या 6671 वर पोहोचली आहे. दादर मध्ये आज 13 नव्या रुग्णांची भर पडली असून एकूण रुग्णांची संख्या 9209 झाली आहे. माहीम मध्ये 26 रुग्ण सापडले असून एकूण रुग्ण 9451 इतके रुग्ण झाले आहेत.जी उत्तर मधील रुग्णसंख्या कमी झाली आहे. जी उत्तर मध्ये आज 48 नव्या रुग्णांची भर पडली असून एकूण रुग्णसंख्या 25,331 झाली आहे.