मुंबई : माहीम येथुन एका तरूणाला पोलिस असल्याचे सांगत त्याचे अपहरण करीत खंडणी उकळणाऱ्या पालिका कर्मचाऱ्याला माहीम पोलिसांनी पोलिसानी अटक केली आहे. अमित अशोक तावडे असं 29 वर्षीय तोतयाचे नाव असुन, याचा अधिक तपास सुरु असल्याचे पोलिसांनी सांगितले.

महत्त्वाची बातमी : शिवसेनेचं हिंदुत्व 'शेंडी - जान्हव्यांचे' नाही; ठाकरेंच्या फटकार्यांनी विरोधी भाजपा घायाळ !

अमित तावडे आरोपी हा क्लिन-अप मार्शल म्हणून काम करत असून त्याच्याकडे  पालिका पर्यवेक्षकाचे ओळखपत्र सापडले आहे. 22 फेब्रुवारी रोजी जुबेर कय्युम खान हा 20 वर्षीय तरूण माहीम येथे आला होता. यावेळी तो रस्त्यावर थुंकल्याचे अमित तावडे त्याने पाहिले. यावेळी अमित तावडे याने या तरूणाला आपण पोलिस असुन, रस्त्यावर थुंकल्याने, दंड आकारला जातो. यमुळे तुला पोलिस ठाण्यात यावे लागेल, असे सांगितले. त्यानंतर या तरूणाला त्याच्या दुचाकीवर बसविले. मात्र अमितने दुचाकी पोलिस ठाण्यात नेण्याऐवजी जोगेश्वरी येथे आणली. यावेळी जुबेर याला संशय आल्याने, त्याने दुचाकी थांबविण्यास सांगितले. अमितने दुचाकी थांबवित जुबेरला दमदाटी करण्यास सुरुवात केली. तसेच धक्काबुक्की देखील केली.

महत्त्वाची बातमी : APMC कडून कंत्राटदारांचे उखळ पांढरे ; निर्यात भवन व बहुउद्देशीय इमारतींच्या कामासाठी वाढीव खर्च

यावेळी त्याने जुबेरकडे 10 हजार रुपयांची खंडणी मगितली. मात्र घाबरलेल्या जुबेरकडे एवढे पैसे नसल्याने, त्याने 5 हजार रुपये काढुन दिले. तसेच याची वाच्यता कुठे केल्यास जीवे मारण्याची धमकी अमितने दिली होती. मात्र, घाबरलेल्या जुबेरने अखेर मंगळवारी रात्री माहीम पोलिस ठाण्यात गुन्हा दाखल केला. तर याची माहिती गुन्हे शाखेच्या कक्ष नऊला मिळताच, त्यांनी अमित तावडे याला अटक करीत, माहीम पोलिसांच्या ताब्यात दिले. याप्रकरणाचा अधिक तपास सुरु आहे.

mumbai crime news clean up marshal kidnaping and extortion case mahim