मुंबई : मुंबईच्या गोवंडी परिसरात विनयभंग केल्याप्रकरणी एका रुग्णालयातील कर्मचाऱ्याला अटक करण्यात आलेली आहे. तसेच पोलिसांच्या तपासात गोवंडी भागातील हे नर्सिंग होम बेकायदेशीर असल्यामुळे नर्सिंग होमच्या प्रमुखावर गुन्ह्याची नोंद केली आहे.

या प्रकरणी डॉ इरफान सय्यद आणि कर्मचारी शोएबला अटक केली असून त्यांचा एक साथीदार जमिलचा पोलीस शोध घेत आहे. गोवंडी परिसरातील आदर्श नावाच्या नर्सिंग होम मध्ये या प्रकरणी फिर्यादी शोएब पठाण आपल्या पत्नीच्या उपचारासाठी शनिवारी रात्री गेले होते. उपचार घेत असताना तेथील एक कर्मचारी शोएब याने फिर्यादीच्या पत्नीशी अश्लील चाळे करू लागला.

तेथे फिर्यादीने आरोपीला अश्लील चाळे करताना रंगे हात पकडले. आरोपी शोएबवर शिवाजींनगर पोलीस ठाण्यात गुन्ह्याची नोंद करण्यात आली. पुढे पोलीस तपासात आदर्श हॉस्पिटल बेकायदेशीर असून बिना परवाना डॉ इरफान सय्यद हॉस्पिटल चालवत असल्याचे तपासात समोर आले आहे. या प्रकरणात डॉ. इरफान सय्यदला पोलिसांनी अटक केली असून त्याचा एक साथीदार जमीलचा पोलीस शोध घेत आहे.