Bandra Police Sation: स्टँडअप कॉमेडियन(हास्य कलाकार) तरुणीचा गेल्या दोन वर्षांपासून ऑनलाईन पाठलाग करणाऱ्या अनोळखी व्यक्तीविरोधात वांद्रे पोलिसांनी मंगळवारी गुन्हा नोंदवला. अलीकडे या व्यक्तीने हास्य कलाकार तरुणीला अश्लील संदेश पाठविण्यास सुरुवात केली होती.

वांद्रे येथे वास्तव्य करणाऱ्या या तरुणीचे इंस्टाग्रामवर साडेचार लाख फॉलोअर आहेत. या तरुणीच्या विनोदी कार्यक्रमांना रसिक गर्दी करतात.

दोन वर्षांपूर्वी शॉन_ डी_पिल्ले या इंस्टाग्राम खातेधारकाने या तरुणीला फ्रेंड रिक्वेस्ट पाठवली होती. मात्र तरुणीने ती स्वीकारली नव्हती. हा खातेधारक तरुणीच्या फोलोअरपैकी एक होता. फ्रेंड रिक्वेस्ट स्वीकारली नाही म्हणून या व्यक्तीने तरुणीच्या वडिलांना ईमेल पाठवण्यास सुरुवात केली. चाहत्यांच्या अशा वागण्याची सवय असल्याने तरुणीच्या सल्ल्यानुसार वडिलांनी या ईमेलकडे दुर्लक्ष केले.

दोन महिन्यांपूर्वी नवी मुंबईत वास्तव्यास असलेल्या तरुणीच्या पालकांना एक पार्सल प्राप्त झाले. त्यात एक पर्स होती. हे पार्सल तरुणीने ऑर्डर केले नव्हते. तेव्हा मात्र या तरुणीने वडिलांचे ईमेल तपासले.

त्यात शॉनपिल्ले 05 या ईमेल आयडी वरून असंख्य मेल प्राप्त झाल्याचे तरुणीस समजले. त्यात अश्लील संदेश अढळताच तरुणीने तातडीने वांद्रे पोलीस ठाणे गठून तक्रार दिली.

या तक्रारीची गंभीर दखल घेत वांद्रे पोलिसांनी माहिती तंत्रज्ञान काद्यातील ६७ आणि भातिय न्याय संहितेतील ७८ या कलमानुसार गुन्हा नोंदवला.