रोहिणी गोसावी : सकाळ वृत्तसेवा

मुंबई : मुंबई पोलिसांच़्या (Mumbai Police) अंमली पदार्थ विरोधी पथकानं (Anti narcotic cell) मुंबईतल्या मस्जिद बंदर परिसरातून 33 लाखाचं कोकेन विक्रीसाठी (cocaine selling) जवळ बाळगणाऱ्या एका नायजेरियन नागरिला अटक (Nigerian culprit arrested) केली आहे. तो कुणालातरी विकण्यासाठी जात होता. (Mumbai police of Anti narcotic cell arrested Nigerian culprit and seized thirty three lac rupees cocaine)

मुंबई पोलिसांच्या अंमली पदार्थ विरोधी पथकाच्या आझाद मैदान युनिटचे प्रभारी पोलीस निरीक्षक राजेंद्र दहीफळे यांच्या टिमला गस्त घालत असताना मस्जिद बंदर परिसरात एक नायजेरियन व्यक्ती संशयास्पद रितीनं फिरताना दिसला, त्याला हटकलं तेव्हा तो पळून जाण्याचा प्रयत्न करत होता. त़्याला पकडण्याचा प्रयत्न केला तेव्हा त्यानं बरीच झटापट केली. बरेच प्रयत्न केल्यानंतर तो शांत झाला तेव्हा त्याची झडती घेतली, तर त्याच्याकडे 110 ग्रॅम कोकेन हा अंमली पदार्थ सापडला ज्याची किंमत आंतरराष्ट्रीय बाजारात 33 लाख इतकी आहे.

बोयेगा हबीब अबुबकर असं या 45 वर्षीय नायजेरियन नागरिकाचं नाव आहे. तो नायजेरियातल्या लागोस जिल्ह्यातला राहणारा आहे. बोयेगा अबुबकर हा 2019 मध्ये मुंबईत आला असल्याची माहिती त्यानं पोलिसांना दिली आहे. तसंंच तो सध्या वसईला राहत असल्याचंही त़्यानं सांगितलं आहे. त्यानं सांगितलेल्या पत्त्यावर अंमली पदार्थ विरोधी पथकाची एक टीम तपास करत आहे. मुंबईत अंमली पदार्थ विकत असुन त्याची मोठी टोळी असण्याची शक्यता पोलिसांनी व्यक्त केली आहे.

बोयेगा अबुबकर याची झडती घेतली तेव्हा त्याच्याकडे कोकेन व्यतिरिक्त काहीही मिळालं नाही, त्याच्याकडे फोनही नव्हता. त्यामुळं हा फक्त कॅरियर म्हणजेच डिलिव्हरी देणारा असणार असं आम्हाला वाटतंय, तसंच त्याचा पासपोर्ट आणि व्हिसाही आम्ही तपासतोय, त्याचा व्हिसा संपलेला असण्याची शक्यता आहे असं अंमली पदार्थ विरोधी पथकाच्या आझादमैदान युनीटचे वरिष्ठ पोलीस निरीक्षक राजेंद्र दहिफळे यांनी सांगितलं.

बोयेगा याच्यावर एनडीपीएस कायद्याच़्या कलम 8(क), 21(क) तसंच परदेशी नागरिक कायद्याच्या कलम 14 (अ) (ब) अंतर्गत गुन्हा दाखल करण्यात आला आहे. त्याला कोर्टात हजर केलं तेव्हा त्याला 29 डिसेंबरपर्यंत पोलीस कोठडी सुनावण्यात आली आहे.