पत्नीची हत्या करून आजारी भावावर प्राणघातक हल्ला केल्याचा प्रकार मालाड परिसरात उघडकीस आला आहे. या हल्ल्यात चित्रा ड्रेसन डिसा या ३५ वर्षांच्या महिलेचा मृत्यू झाला तर डेमियन मार्कोस डिसा हा जखमी झाला आहे.
डेमियनवर एका खासगी रुग्णालयात उपचार सुरु आहे. त्यांची प्रकृती चिंताजनक असल्याचे पोलिसांनी सांगितले. याप्रकरणी बांगूरनगर पोलिसांनी गुन्हा नोंदवत आरोपी पती ड्रेसन मार्कोस डिसा याचा शोध सुरु केला आहे.
डेमियन हा मालाड परिसरातील एव्हरशाईन, पद्मानगरमध्ये कुटुंबीयांसोबत राहत होता. डेमियनचे दोन्ही मूत्रपिंड (किडनी) निकामी झाल्या असून, त्याचे उपचार सुरू आहेत. त्याच्या औषधोपचारासाठी ड्रेसनने त्याची मालमत्ता विकण्याचा निर्णय घेतला होता. त्याला डेमियनसह ड्रेसनची पत्नी चित्रा हिचा विरोध होता.
त्याप्रकरणातून शुक्रवारी या तिघांमध्ये वाद झाला. या वादातून ड्रेसीनने डेमियनसह चित्राच्या डोक्यात मातीच्या फ्लावर पॉटने बेदम मारहाण केली. यामध्ये ते दोघे गंभीर जखमी झाले. यावेळी स्थानिकांनी धाव घेत जखमींना कांदिवलीतील शताब्दी रुग्णालयात दाखल केले होते. तिथे चित्राला डॉक्टरांनी मृत घोषित केले.
डेमियनची प्रकृती गंभीर असल्याने त्याला खासगी रुग्णालयात दाखल करण्यात आले आहे. त्यांची प्रकृती चिंताजनक असून त्यांच्यावर अतिदक्षता विभागात उपचार सुरु आहे. याप्रकरणी पोलिसांनी डेमियनची पत्नीचा जबाब नोंदविला असून पोलिस ड्रेसनचा शोध घेत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.