कतार एअरलाइन्समधून प्रवास करणाऱ्या मायलेकी जोहान्सबर्गहून मुंबईत आल्या होत्या. दोघीही भारतात फुफ्फुसाच्या कर्करोगावर उपचारासाठी आल्या होत्या.
मुंबई विमानतळावर कस्टम विभागाने केलेल्या कारवाईत ४.९५ किलो हेरॉइन जप्त केलं आहे. या हेरॉइनची किंमत २५ कोटी रुपये इतकी असल्याचं सांगण्यात येत आहे. जोहान्सबर्गहून आलेल्या मायलेकींकडून हे हेरॉइन जप्त करण्यात आलं आहे. सध्या गुजरातमधील मुंद्रा बंदरात जप्त करण्यात आलेल्या तीन हजार किलो हेरॉइनची चर्चा असतानाच मुंबईत विमानतळावर करण्यात आलेल्या कारवाईने अंमली पदार्थांच्या तस्करीचा मुद्दा चर्चेत आला आहे.
कतार एअरलाइन्समधून प्रवास करणाऱ्या मायलेकी जोहान्सबर्गहून मुंबईत आल्या होत्या. दोघीही भारतात फुफ्फुसाच्या कर्करोगावर उपचारासाठी आल्या होत्या असं सांगण्यात येत आहे. ट्रॉली बॅगमध्ये हेरॉइन लपवण्यात आलं होतं. विमान प्रवाशांकडे इतक्या मोठ्या प्रमाणावर ड्रग्ज सापडत नाही अशीही माहिती अधिकाऱ्यांनी दिली.
कस्टम अधिकाऱ्यांनी दिलेल्या माहितीनुसार, भारतात हेरॉइन आणण्यासाठी संबंधित महिलांना प्रत्येक खेपेसाठी ५ हजार डॉलर देण्याचं आमिष दाखवण्यात आलं होतं. दोघींना कोर्टात हजर करण्यात आलं असून १४ दिवसांची न्यायालयीन कोठडी सुनावण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.