मुंबई : संपूर्ण उत्तर भारतात कडाक्याची थंडी पडली आहे. हिमाचल आणि जम्मू काश्मीरमध्ये बर्फवृष्टी देखील सुरु आहे. अशात देशाची आर्थिक राजधानी मुंबईमध्ये थंडीने पाठ फिरवल्याचं चित्र आहे. 

मुंबईत राज्यातील इतर शहरांपेक्षा तशी कमीच थंडी पडते. पण गेले काही वर्ष मुंबातील तापमान कमी होताना पाहायला आणि अनुभवायला देखील मिळालं. मागच्या वर्षी रेंगाळलेली थंडी देखील मुंबई करांनी अनुभवली.  

मात्र यंदा तसं अजिबात घडताना दिसत नाही. डिसेंबर संपून आता जानेवारी सुरु होईल मात्र मुंबईतला पारा वाढतानाच पाहायला मिळतोय. आज देखील मुंबईकरांना उष्णतेचा सामना करावा लागतोय. 

महत्त्वाची बातमी :  फ्लॅट दाखवण्याच्या नावाने अमृता घेऊन जायची आणि..

मुंबईत पुन्हा एकदा तापमान वाढताना पाहायला मिळतंय. पुढचे काही दिवस मुंबईतील तापमान वाढलेलंच पाहायला मिळेल. क्षेत्रीय हवामान विभागाच्या माहितीनुसार काल (सोमवारी) मुंबईतील कमाल तापमान 34.6 अंश सेल्सिअस इतकं नोंदवलं गेलंय. त्या आधी म्हणजे रविवारी हेच कमाल तापमान 33 अंश सेल्सिअस इतकं नोंदवण्यात आलं होतं. 

हिवाळ्याच्या दिवसात उत्तरेकडून येणाऱ्या वाऱ्यामुळे थंडी पडते. मात्र आभ्यासाकांच्या मते सध्या पश्चिमेकडून वारे वाहतायत. परिणामी यामुळेच तापमानात वाढ झालेली पाहायला मिळतेय. मागील दहा वर्षात दुसऱ्यांदा डिसेंबरच्या 20 तारखेनंतर कमाल तापमान 34 अंश सेल्सिअस पेक्षा अधिक नोंदवलं गेलंय. 

महत्त्वाची बातमी : आता मुंबईच्या समुद्रकिनारी बिनधास्त करा, कुणालाही घाबरायचं कारण नाही..

त्यामुळे मुंबईकरांना ती गुलाबी का काय ती थंडी म्हणतात, ती थंडी यंदा कधी अनुभवायला मिळते याची प्रतीक्षा आहे. 

WebTitle : mumbai is getting hotter day by day over 34 degree temperature registered on monday