मुंबई : येस बैक गैरव्यवहार प्रकरणातील प्रमुख आरोपी कपिल आणि धीरज वाधवान यांना आज मुंबई उच्च न्यायालयाने सशर्त जामीन मंजूर केला. मात्र सीबीआयने दाखल केलेल्या गुन्ह्यात दोघेही अटकेत आहेत, त्यामुळे त्यांची कारागृहातून सुटका होणार नाही.
दिवाण हाऊसिंग फायनान्स लि.चे प्रवर्तक असलेल्या कपिल आणि धीरज विरोधात ईडीने साठ दिवसांमध्ये आरोपपत्र दाखल न केल्यामुळे न्यायालयाने त्यांना जामीन मंजूर केला आहे. दोघांनाही प्रत्येकी एक लाख रुपयांच्या जामीन आणि हमीदार शर्तीवर जामीन मंजूर करण्यात आला. तसेच त्यांचे पारपत्र तपास यंत्रणेकडे देण्याचे निर्देश दिले आहे.
मोठी बातमी - ठाण्याचे आयुक्त ऑनफिल्ड! एका दिवसात 850 खड्डे बुजवले; बांधकाम विभागातील अधिकाऱ्यांनाही सुनावले
कायद्यानुसार निर्धारित कालावधीमध्ये आरोपपत्र दाखल करणे बंधनकारक आहे. जर आरोपपत्र दाखल केले नाही तर आरोपींना आपसूकच जामीन मंजूर होतो, असे निरीक्षण न्या भारती डांग्रे यांनी नोंदविले आहे. या निर्णयावर दोन आठवड्यांची स्थगिती देण्याची मागणी ईडीच्या वतीने करण्यात आली. मात्र न्यायालयाने ही मागणी अमान्य केली. आरोपपत्र दाखल न झाल्यामुळे आरोपीला जामीनाचा अधिकार आहे, असे न्यायालय म्हणाले.
वाधवान बंधुंविरोधात याच प्रकरणात सीबीआयनेही गुन्हा दाखल केला आहे. त्यामुळे जामीन मिळाला तरी कारागृहातून त्यांची सुटका होऊ शकणार नाही.
( संकलन - सुमित बागुल )
mumbai high court approved bail of kapil and dheeraj wadhwan
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.