डहाणू, वैतरणा उपनगरी विभागातील समस्या सोडवाव्यात, डहाणू लोकल सेवा वाढवण्यात याव्यात; तसेच काही सेवांचे विस्तारीकरण करावे, यासाठी भाजप प्रवासी रेल्वे प्रकोष्ठचे महाराष्ट्र प्रदेश संयोजक कैलास वर्मा यांनी पश्चिम रेल्वेच्या वरिष्ठ अधिकाऱ्यांना भेटून चर्चा केली. या वेळी सदानंद पावगी, संकेत ठाकूर उपस्थित होते.

डहाणू वैतरणा उपनगरी विभागात लोकसंख्येच्या तुलनेत सेवा अतिशय कमी आहेत. त्यामुळे प्रवाशांना प्रचंड त्रास सहन करावा लागतो. गर्दीच्या वेळी परिस्थिती आणखी विकट होते. यासाठी डहाणू लोकल वाढवण्यात याव्यात. काही डहाणू-विरार लोकलचे बोरिवली ते चर्चगेट दरम्यान विस्तारीकरण करावेत. लांब पल्ल्याच्या गाड्यांसाठी डहाणू लोकल बाजूला काढू नये, अशा मागण्यांचे निवेदन रेल्वे प्रशासनास देण्यात आले.

सकाळी ७.०५ ची डहाणू- विरार लोकल पूर्ववत करावी, सौराष्ट्र एक्सप्रेसच्या जुन्या वेळेत बोरिवली येथून डहाणू लोकल सुरू करावी, दुपारी १२.२० ते १.२० च्या दरम्यान विरार येथून अतिरिक्त डहाणू लोकल सुरू करावी, सकाळी ९.३७ ची डहाणू विरार लोकल अंधेरी ते चर्चगेट पर्यंत विस्तारित करावी.

सकाळी १०.१० ते ११.३५ च्या डहाणू-विरार अतिरिक्त लोकल सुरू करावी, संध्याकाळी ६.२५ च्या दरम्यान हाम बोईसर-विरार लोकल सुरू करावी, पचटि सकाळी ४ वाजता डहाणू-चर्चगेट लोकल सुरू करावी, अशा मागण्या या ४० निवेदनात करण्यात आल्या आहेत.