मुंबई: अरबी समुद्रात घोंगावत असलेल्या तौक्ते वादळाचा (Cyclone Tauktae) तडाखा मुंबईला सोमवारी बसला. वादळी वाऱ्यांसह मुसळधार पावसाला (Heavy Rainfall) रविवार रात्रीपासूनच सुरूवात झाली. त्यानंतर सोमवारपासून मुंबईसह (Mumbai) रायगड (Raigad), ठाणे (Thane), पालघर (Palghar) या जिल्ह्यांमध्ये काही भागात ताशी 100 किलोमीटरपेक्षाही जास्त वेगाने वारा वाहण्यास सुरूवात झाली. मुंबई, रायगड या किनाऱ्यापासून 150 ते 200 किलोमीटर अंतरावर असलेल्या भागात वादळाचा (Wind) जोर खूपच जास्त होता. दुपारी भरतीच्या वेळात तर समुद्राचं रौद्र रूप (Dangerous) पाहायला मिळालं. वाऱ्याचा वेग आणि पावसाचा जोर यामुळे पावसाळ्यात मुंबईतील सर्वात प्रेक्षणीय असलेल्या मरीन ड्राईव्ह परिसरात लाटांनी कठडा ओलांडून थेट रस्त्यांपर्यंत उंच झेप घेतल्याचं चित्र दिसलं. (Mumbai Marine Drive Arabian Sea shows Rage Form Dangerous Video)

मरीन ड्राइव्हप्रमाणेच पर्यटनाचे लोकप्रिय ठिकाण असलेल्या मुंबईच्या जुहू बीचवरही समुद्राच्या लाटांचा प्रचंड आवाज ऐकायला मिळाला. दिवसभरात अनेक झाडं उन्मळून पडली. त्याचसोबत काहींच्या झाडांचे आणि वाहनांचे नुकसान झालं. मरीन ड्राईव्हप्रमाणेच जुहू बीचवरही लाटांचा जोर खूप असल्याचे दिसून आले.

जुहू बीचवर लाटांच्या आवाजाने थैमान घातलं. त्याचसोबत जुहू बीचजवळील रहिवाशी वस्त्यांमध्येही पाणी भरल्याचे चित्र दिसून आले. सोसाट्याच्या वाऱ्यामुळे मोठमोठी झाडं कोसळली. मुसळधार पावसामुळे अनेक सखळ भागात पाणी साचल्याचंही चित्र दिसून आलं.

राज्यात सरकार असलेल्या महाविकास आघाडीतील महत्त्वाच्या पक्षांपैकी एक म्हणजे शिवसेना. शिवसेना पक्षाचं कार्यालय असलेल्या दादरमधील शिवसेना भवनसमोरही वादळाचा फटका दिसून आला. शिवसेना भवनसमोरच जोरदार वाऱ्यामुळे झाडं कोसळली. इतकंच नव्हे तर वीजेचा खांबदेखील कोसळला.

सकाळच्या युट्युब चॅनेल पाहण्यासाठी येथे क्लिक करा