मुंबई, ता, 3 - खड्ड्यांच्या पालिका बदनाम झाली आहे. दरवर्षी खड्डयाचा विषय गाजतो. पालिकेने आपला बजाव करण्यासाठी आता तुम्हीच खड्डे दाखवा, अशी साद मुंबई महापालिकेने मुंबईकरांना घातली आहे. खड्ड्यांची तक्रार करण्यासाठी १८००२२१२९३ टोल फ्री नंबर, रस्ते अभियंत्यांचे मोबाईल नंबर व मोबाईल अँप उपलब्ध केला आहे.
खड्डे मुक्त रस्त्यांसाठी दरवर्षी मुंबई महापालिका कोट्यवधी रुपये खर्च करते. मात्र मुंबईतील रस्त्यांची विशेष करुन पावसाळ्यात खड्ड्यांमुळे चाळण होते. त्यामुळे यंदाच्या पावसाळ्यात तरी रस्ते खड्डे मुक्त दिसावेत यासाठी खड्डे मुक्तीसाठी थेट मुंबई महापालिकेने मुंबईकरांना साद घातली आहे.
रस्त्यांवर पडलेल्या खड्ड्यांची तक्रार करण्यासाठी १८००२२१२९३ हा टोल फ्री नंबर उपलब्ध केला असून २२७ प्रभागांतील रस्ते अभियंत्यांचे मोबाईल नंबर प्रसिद्ध केले आहेत. तसेच MCGM 24×7 हा मोबाईल अँप उपलब्ध केला असून प्ले स्टोअर मध्ये डाऊनलोड करता येईल, असे पालिकेच्या रस्ते विभागाकडून सांगण्यात आले. दरम्यान, तक्रार प्राप्त झाल्यानंतर २४ तासांच्या खड्डा बुजला नाही तर कारवाई कोणावर यावर बोलणे टाळले आहे.
दरवर्षी कोट्यवधी रुपये खर्चून ही मुंबईतील रस्ते खड्डे मुक्त का होत नाही, असा सवाल विरोधकांकडून दरवर्षी उपस्थित केला जातो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.