मुंबई- धारावीमध्ये गोदामाला रात्री तीनच्या सुमारास आग लागली. यात सहाजण जखमी झाल्याची माहिती मिळत आहे. अग्निशनम दलाच्या १० गाड्या घटनास्थळी दाखल झाल्या आहेत. युद्ध पातळीवर आग विझवण्याचे काम सुरु होते. आगीचे कारण समजू शकलेले नाही. पण, रात्रीच्या सुमाराच आग लागल्याने एकच गोंधळ उडाला होता.

प्राथमिक माहितीनुसार, ६ जण आगीमध्ये गंभीर जखमी झाले आहेत. जखमींना सायन रुग्णालयात दाखल करण्यात आले असून त्यांच्यावर उपचार सुरु आहेत. आग विझवण्यात आली आहे, सध्या कुलिंग ऑपरेशन सुरु आहे. आगीमध्ये किती नुकसान झाले याबाबत माहिती अद्याप मिळू शकलेली नाही. याप्रकरणी अधिक तपास सुरु आहे.

जखमींची प्रकृती स्थिर असल्याचं कळतंय. मिळालेल्या माहितीनुसार, काळा किल्लाजवळ अशोल मिल कम्पाऊंट येथे ३ वाजून ४५ मिनिटांनी एका तीन मजली गोदामाला आग लागली. आगीची माहिती प्रशासनाला देण्यात आली. त्यानंतर १० अग्निशन दलाच्या गाड्या घटनास्थळी आल्या होत्या. काही तासांनी आगीवर नियंत्रण मिळवण्यात यश आलं आहे. स्थानिक लोकांनी देखील आग विझवण्यात सहभाग घेतला होता.